«Biełaruśfilm» zdymie mastacki film ab ajčynnaj milicyi ŭ supraćvahu rasijskim kryminalnym sieryjałam
kadr ź filma «Miesca sustrečy źmianić niamožna»
Jak paviedamiŭ «Našaj Nivie» kiraŭnik presavaj słužby MUS Kanstancin Šalkievič, mastacki film płanujecca źniać u honar 100-hadovaha jubileja milicyi ŭ 2017 hodzie. Pakul što padrabiaznaściaŭ mała – scenar u stadyi ŭzhadnieńnia i dapracoŭki.
«Mahu skazać tolki toje, što film musić być na ŭzroŭni «Miesca sustrečy źmianić niamožna», — adznačyŭ Kanstancin Šalkievič. — Jon pavinien raskryć ciažkaści pracy ajčynnaj milicyi i stać procivahaj tym kryminalnym sieryjałam, što zdymajucca ŭ Rasii. Tam časam mała praŭdy, i ŭ hledača składvajecca pamyłkovaje ŭražańnie ab milicyi», — zaŭvažyŭ Šalkievič.
Biudžet, režysior, hałoŭnyja aktory i nazva filma pakul trymajucca ŭ sakrecie.
Kamientary