Pa Dobrušy ŭžo niedzie druhi miesiac błukaje pryvid, jaki ažyŭ z časoŭ pierabudovy. U tyja časy našaje miesta niatolki nakryŭ Čarnobylski popieł, ale i moh jaho zachutać zadušlivy cemientavy pył. Ajčynnyja biurakraty‑dabradziei sprabavali «padaravać» dabrušanam cementavy zavod.
Ź biełaruskaj błagasfery»
Pa Dobrušy ŭžo niedzie druhi miesiac błukaje pryvid, jaki ažyŭ z časoŭ pierabudovy. U tyja časy našaje miesta niatolki nakryŭ Čarnobylski popieł, ale i moh jaho zachutać zadušlivy cemientavy pył. Ajčynnyja biurakraty‑dabradziei sprabavali «padaravać» dabrušanam cemientavy zavod. I raspačali lichamankavuju budoŭlu nidzie‑niebudź, a akurat pasiarod horadu za Tankavym pomnikam, niepadalok ad mohiłak z nazovam «Ladcy». Sympatyčnaje miejsca abrali. Adnak z hetym pierśpiektyvami dabrušanie nie pahadzilisia. U Dobrušy tady prakaciłasia hramadzskaja kampanija pa zboru podpisaŭ suprać budoŭli. I jana dała plon — budaŭnictva spyniłasia.
I voś praz amal dva dziesiacihodździa iznoŭ pa Dobrušy papłyli čutki pra adnaŭleńnia budaŭnictva cemientavaha zavodu. «Narod» śćviardžaje, što nibyta sam Łukašenka pa telebačańniu davaŭ adpaviedny zahad. Cikava. Ja asabista takoha nia čuŭ, ale pry zaplanavanym budaŭnictvie AES usio mahčyma. Mienskaja namenklatura moža padaravać depresiŭnamu Dobrušu cemientavy zavod jak kampiensacyju za adabranuju raniej mahčymaść madernizacyi papierni. Jak viadoma, prajekt madernizacyi vyrašyli ažyćciaŭlać u Škłovie… Anijakich kamentaroŭ…I tak usio zrazumieła.
Kali, nasamreč, źbirajucca dabudavać cemientavy zavod, dyk heta drennaja navina. Na žal, častkova hramadzskaja dumka spryjalna stavicca da hetaha prajektu. Treba budzie papracavać ź ludźmi. Cemientavy zavod pryniasie tolki častkovuju palohku (na čas budaŭnictva AES), ale doŭhaterminovuju škodu navakolnamu asiarodździu i zdaroŭju ludziej. Pieršaje albo stanoŭčy bok budaŭnictva jaskrava demanstrujecca miascovym čynavienstvam, a voś usio astatniaje chavajecca. Hetkaja svajeasablivaja praŭda pa ReBešnamu.
Kamientary