Ad pažaru paciarpieŭ Śviata‑Troicki chram u vioscy Rasna
Drybinskaha rajona. Paśla zakančeńnia subotniaj dzionnaj słužby prychadžanie razyšlisia, ale praz peŭny čas ubačyli dym nad dacham.
Pavodle paviedamleńnia Mahiloŭskaha abłasnoha ŭpraŭleńnia MNS, ahoń paškodziŭ strachu. Taksama paciarpieła ŭnutranaje ŭbrańnie i carkoŭnyja pryłady: usio było čornaje ad dymu i kopaci.
Vyjaviłasia, što pryčynaj pažaru stała banalnaja nieaściarožnaść: vuhli z kadziła vykinuli nie ŭ mietaličnaje viadro z vadoj, a ŭ prostuju śmietnicu, dzie byli papiery. Carkva znachodzicca ŭ pamiaškańni, jakoje pravasłaŭnyja vierniki pierarablali z kramy ŭ carkvu piać hadoŭ.
0
0
0
0
0
0
