Ministerstva handlu paviedamiła pra pahrozu dziejnaści sietak «Rubloŭski» i «Jeŭraopt».
«Jašče ŭ lutym 2015 hoda skončyŭsia termin, adviedzieny kalehijaj Minhandlu handlovym arhanizacyjam dla pryniaćcia mier pa pahašeńni praterminavanaj zapazyčanaści za charčovyja tavary pierad pastaŭščykami», — paviedamlajecca na sajcie Ministerstva handlu.
Vyjaviłasia, što «Jeŭraopt» i «Rubloŭski» majuć praterminavanuju zapazyčanaść pierad pastaŭščykami na sumu bolš za 300 miljardaŭ rubloŭ ($21 miljon u ekvivalencie).
Materyjały pravierak nakiravanyja ŭ Minharvykankam dla «pryniaćcia mier reahavańnia». Pavodle zakanadaŭstva, najaŭnaść praterminavaj zapazyčanaści dva razy za hod moža paciahnuć za saboj pazbaŭleńnie licenzij.
Kamientary