Infrastrukturny apieratar beCloud pačaŭ budaŭnictva Respublikanskaha centra apracoŭki danych. Cyrymonija zakładki pieršaha kamienia adbyłasia 7 maja ŭ pasiołku Kałodziščy pad Minskam, dzie budzie raźmiaščacca RCAD.
Jak zajaviŭ žurnalistam hienieralny dyrektar STAA «Biełaruskija vobłačnyja technałohii» (beCloud) Siarhiej Pabłahujeŭ, stvareńnie Respublikanskaha centra apracoŭki danych — zadača dziaržaŭnaha ŭzroŭniu. Na jaho bazie budzie raźmieščana respublikanskaja «vobłačnaja» płatforma z vykarystańniem infrastruktury Adzinaj respublikanskaj sietki pieradačy danych. Pieršymi klijentami płatformy, jakaja dziejničaje na asnovie technałohij «vobłačnych» vyličeńniaŭ, stanuć orhany dziaržaŭnaha kiravańnia.
Namieśnik staršyni savieta dyrektaraŭ STAA «Biełaruskija vobłačnyja technałohii», dyrektar RUP «Nacyjanalny centr abmienu trafikam» Mikałaj Kočkin paviedamiŭ, što na płoščach RCAD raźmieściacca resursy dziaržaŭnych orhanaŭ i arhanizacyj Biełarusi. U adpaviednaści z ukazam prezidenta hetyja resursy na płanavaj asnovie buduć pieramieščanyja na placoŭku RCAD da 31 śniežnia 2018 hoda. Hałoŭnyja akcenty ŭ stvareńni data-centra beCloud robić na sučasnaści, nadziejnaści i biaśpiecy.
Pavodle acenak ekśpiertaŭ, siońnia rynak publičnych CAD Biełarusi składaje pryblizna 250 stojek. Respublikanski centr apracoŭki danych sprajektavany na 600 stojek, što dazvolić zadavolić rost patrebnaści klijentaŭ. Płošča RCAD dla ŭstanoŭki IT-abstalavańnia zojmie bolš za 1.200 kvadratnych mietraŭ pry ahulnaj płoščy pryblizna 3.000 kv. m.
«My z upeŭnienaściu ŭstupajem u pačatak hetaha prajekta, razumiejučy, što rynak nam užo nie prosta havoryć — jon užo, vobrazna kažučy, kryčyć pra nieabchodnaść pasłuh CADaŭ», — skazaŭ Pabłahujeŭ.
Respublikanski data-centr stvarajecca pa modulnaj sistemie, heta značyć sa śpiecyjalnych, aŭtanomna stvoranych modulaŭ. Adnoj sa značnych pieravah modulnych CAD źjaŭlajecca mahčymaść nastupnaha naroščvańnia mahutnaściaŭ.
Akramia taho, RCAD stanie pieršym data-centram krainy, jaki adpaviadaje mižnarodnamu ŭzroŭniu nadziejnaści i biaśpieki. Heta budzie paćvierdžana siertyfikatam Tier III Uptime Institute.
Siarod raspracovak Uptime Institute (UI) šmat pryznanych industryjalnych standartaŭ dla CAD. Adnym ź ich stała sistema kłasifikacyi ŭzroŭniaŭ nadziejnaści (Tier). Hetaja sistema aceńvaje nadziejnaść i admovaŭstojlivaść data-centra. Siertyfikat UI pa ŭzroŭni admovaŭstojlivaści Tier III śviedčyć pra vysokuju stupień nadziejnaści i biaśpieki centra apracoŭki danych.
Inžyniernuju infrastrukturu dla RCAD stvaraje suśvietny lidar pabudovy centraŭ apracoŭki danych — kampanija Emerson. Udzieł taksama biare viadomaja IT-kampanija SoftLine.
Finansavaje zabieśpiačeńnie prajekta RCAD uziaŭ na siabie apieratar beCloud i, u pryvatnaści, jaho inviestar. Košt prajekta pakul nie raskryvajecca. Čakajecca, što RCAD pačnie akazvać pasłuhi z 2016 hoda.
***
STAA «Biełaruskija vobłačnyja technałohii» (beCloud) – pieršy infrastrukturny apieratar Biełarusi, stvorany na padstavie ŭkaza prezidenta 19 śniežnia 2012 hoda. Dziejnaść beCloud zaklučajecca ŭ prajektavańni, budaŭnictvie, abstalavańni i ekspłuatacyi nastupnych abjektaŭ: apornaj sietki pieradačy danych dla Adzinaj respublikanskaj sietki pieradačy danych; Respublikanskaha centra apracoŭki danych; sietki čaćviortaha pakaleńnia LTE; učastka tranzitnaj mahistrali sietki elektrasuviazi pa terytoryi Biełarusi.
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?4
Kamientary