Krymskatatarski telekanał ATR, jaki 1 krasavika spyniŭ viaščańnie ŭ Krymie z-za admovy Raskamnahladu zarehistravać jaho, adnaviŭ svaju pracu — u internecie.
Redakcyja i žurnalisty ATR zastalisia ŭ Simfieropali
Jak paviedamiŭ u Facebook redaktar ATR Raman Śpirydonaŭ, naviny infarmacyjnaj słužby telekanała Zaman i ich siužety možna budzie ŭbačyć na aficyjnym sajcie ATR i na sajcie internet-vydańnia «15 chvilin», jakoje ŭvachodzić u miedyjachołdynh ATR.
Usia redakcyja pracuje ŭ Simfieropali.
Za toj čas, što kanał nie moh viaščać, byli padrychtavanyja dakumientalnyja prajekty pra krymskich tataraŭ, ab pieršych repatryjantaŭ i pra dziaciej vajny.
Telekanał płanuje rychtavać takuju ž kolkaść videakantentu, jak i raniej, kali navinnavy vypusk składaŭsia z 12 siužetaŭ.
Pry hetym namieśnik hiendyrektara ATR pa infarmacyjnaj palitycy Lila Budžurava kaža, što pavodle rasijskaha zakanadaŭstva prajekt nie pavinien vyhladać jak televizijnaje viaščańnie.
«Da prykładu, u videa nie mohuć hučać takija słovy jak: «u našym efiry», «u našaj prahramie», nie moža być zapisu sa studyi», — kaža jana.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary