U miežach prahramy transpamiežnaha supracoŭnictva «Polšča-Biełaruś-Ukraina» abvieščany fatahrafičny konkurs «Na Uschodzie, na Zachadzie» – pohlad praz abjektyŭ kamiery na ŭnikalnaść uschodnich rehijonaŭ Polščy i zachodnich abłaściej Biełarusi i Ukrainy.
Pavodle ŭmoŭ konkursu, pracy možna pradastaŭlać u troch tematyčnych katehoryjach: pačućci i kaštoŭnaści – partret čałavieka, biaskoncaść piejzaža i karotkaja historyja. U konkursie majuć prava prymać udzieł, jak fatohrafy-prafiesijanały, tak i amatary.
Takija konkursy, pa słovach palitołaha Alesia Łahvinca, spryjajuć pramocyi Biełarusi ŭ susiednich krainach i palapšeńniu jaje imidžu:
«Samaja vialikaja prablema, jakaja isnuje ŭzdoŭž miažy – heta rastučaja asimietryja. Možna zrabić tak, kab vyjhravali ŭsie. U Biełarusi patrebnyja turysty, biełarusam jość što pakazać. Taksama jość mahčymaść znajści svaje nišy».
Hałoŭnaja meta konkursu – prasoŭvańnie i papularyzacyja zvyčajaŭ prypamiežnych rehijonaŭ, a taksama kulturnych i łandšaftnych asablivaściaŭ hetych terytoryj. Lepšyja zdymki buduć pradstaŭlenyja na vystavach u bujnych haradach uschodniaj Polščy, a taksama zachodniaj Biełarusi i Ukrainy. Aŭtary- pieramožcy buduć zaprošanyja na śpiecyjalnuju vystavu svaich prac u Brusiel.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary