Va ŭradzie Biełarusi pakul nie paćviardžajuć udzieł premjer-ministra Andreja Kabiakova ŭ samicie Uschodniaha partniorstva (UP) u Ryzie.
Pra toje, što Biełaruś na samicie pradstavić Kabiakoŭ, paviedamiŭ u Twitter bruselski karespandent «Radyjo Svaboda» Rykard Joźviak sa spasyłkaj na jeŭrakamisara Jochaniesa Chana.
«Chan paćviardžaje, što Łukašenka nie pryjedzie na samit Uschodniaha partniorstva ŭ Ryzie. Premjer Biełarusi pryjedzie zamiest jaho», — piša žurnalist.
Na pytańnie BiełaPAN, ci płanuje Andrej Kabiakoŭ udzielničać u samicie ŭ Ryzie, pres-sakratar premjer-ministra Volha Doŭhaja adkazała: «U hrafiku Kabiakova na hetym tydni takoha mierapryjemstva niama, ale ŭsio moža zdarycca».
Samit Uschodniaha partniorstva projdzie ŭ Ryzie 21—22 maja. Aficyjnaj infarmacyi pra toje, chto budzie pradstaŭlać na im Biełaruś, dahetul niama.
Naviedvajučy Biełaruś u lutym hetaha hoda, Edhars Rynkievič — ministr zamiežnych spraŭ Łatvii, jakaja staršynstvuje ciapier u ES, zajaviŭ: Łatvija žadaje, kab na samicie Uschodniaha partniorstva ŭ Ryzie ŭsie partniory byli pradstaŭleny na samym vysokim uzroŭni.
Na minułym samicie UP, jaki prachodziŭ u Vilni ŭ kancy listapada 2013 hoda, Biełaruś była adzinaj krainaj, pradstaŭlenaj na ŭzroŭni ministra — kiraŭnika MZS Uładzimira Makieja. Ad Azierbajdžana, Armienii, Hruzii i Ukrainy ŭ vilenskim samicie ŭdzielničali prezidenty, ad Małdovy — premjer-ministr.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary