Skrynšot: MacRumors
U apieracyjnaj sistemie iOS karystalnik reddit pad niknejmam that_c00l_kid znajšoŭ bah: tekstavaje paviedamleńnie na arabskaj movie zdolnaje surjozna naškodzić karystalnikam iPhone.
Kali praz SMS, iMessage ci inšyja mesendžary adasłać peŭny nabor arabskich simvałaŭ, telefon syjdzie ŭ tak zvany resprynh (pierazahruzku sistemnaj abałonki), a iMessage moža pačać «vylatać» pry zapusku.
Padobna, što pamyłka aktualnaja dla iOS 8, ale pra inšyja viersii źviestak niama. Jak vynajšli błohiery, bah źviazany z kadyroŭkaj Unicode. Jak piša Apple News u tvitary, raspracoŭščyki Apple užo viedajuć pra pamyłku. Mahčyma, jana budzie vypraŭlenaja ŭ bližejšym abnaŭleńni.
Kab pazbavicca ad pamyłak, kali vy atrymali takoje paviedamleńnie, isnuje niekalki sposabaŭ.
Kali razmova, u jakoj pryjšło paviedamleńnie, była ŭžo adkrytaja na toj momant, treba prosta pasprabavać napisać luby adkaz.
Kali razmova nie była adkrytaja, a iMessage zavisaje pry zapusku, treba paprasić inšaha karystalnika prysłać novaje paviedamleńnie ci zrabić heta samomu praz funkcyju «padzialicca» ŭ inšaj prahramie ci praz hałasavoha asistenta Siri.
