Pjanaha padletka za rulom «BMV» daviałosia pieraśledavać minułaj nočču supracoŭnikam Dziaržaŭtainśpiekcyi ŭ Minsku.
Jak paviedamili ŭ adździele DAI Centralnaha RUUS, pryblizna ŭ 1.00 27 maja była atrymanaja infarmacyja ad žycharoŭ adnaho z damoŭ pa vulicy Radužnaj ab šumnaj kampanii, jakaja raśpivała śpirtnoje i źbirałasia jechać na «BMV».
Na vyjeździe z dvara inśpiektary pasprabavali spynić mašynu, ale vadziciel nie staŭ spyniacca. Nieadnarazovyja patrabavańni spynicca vadziciel praciahvaŭ ihnaravać. Dajechaŭšy da vulicy Lesi Ukrainki, vadziciel źniziŭ chutkaść i na chadu vyskačyŭ z aŭtamašyny, śledam za vadzicielem z aŭtamabila, jaki ruchaŭsia, vyskačyli dva pasažyry, transpartny srodak praciahnuŭ ruch i najechaŭ na pryparkavanyja aŭtamabili «Sitrajen» i «Piežo». Maładyja ludzi sprabavali ŭciačy ad supracoŭnikaŭ DAI, ale byli apieratyŭna zatrymanyja.
Vadzicielem akazaŭsia niepaŭnaletni 1999 hoda naradžeńnia, dvum jaho pasažyram taksama pa 16 hadoŭ.
Kiroŭca znachodziŭsia ŭ stanie ałkaholnaha apjanieńnia. U dačynieńni da jaho składzienyja čatyry administracyjnyja pratakoły: za kiravańnie transpartnym srodkam biez prava kiravańnia, za DTZ, za niepadparadkavańnie zakonnym patrabavańniam i za kiravańnie transpartnym srodkam u stanie ałkaholnaha apjanieńnia. Administracyjnyja materyjały buduć nakiravanyja ŭ kamisiju pa spravach niepaŭnaletnich dla pryniaćcia rašeńnia.
