ES aburany pahrozami Žyrynoŭskaha «viarnuć Vilniu i Kłajpiedu»
Pasoł ES u Rasii Vihaŭdas Ušackas zapatrabavaŭ aficyjnaj pazicyi Rasii ŭ suviazi z publičnymi pahrozami deputata Dziarždumy RF Uładzimira Žyrynoŭskaha na telebačańni «viarnuć Vilniu i Kłajpiedu».
Pra heta dypłamat zajaviŭ u kamientary Delfi.lt.
Jak paviedamlajecca, hetyja pahrozy lidar ŁDPR vykazaŭ padčas debataŭ na rasijskim «Pieršym kanale» ŭ noč na sieradu, u jakich prymaŭ udzieł i Ušackas.
«Kali Žyrynoŭski pryhraziŭ «viarnuć Vilniu i Kłajpiedu», ja zapatrabavaŭ aficyjnaj pazicyi Rasii na pradmiet pavahi da terytaryjalnaj cełasnaści Litvy», — adznačyŭ Ušackas.
Jon padkreśliŭ, što pradstaŭnik MZS adkazaŭ jamu, što heta «pryvatnaje mierkavańnie Žyrynoŭskaha».
Pa słovach Ušackasa, pra ŭdzieł Žyrynoŭskaha ŭ prahramie jon daviedaŭsia ŭsiaho za niekalki hadzin da pačatku efiru.
«Ja adrazu ž zasumniavaŭsia adnosna svajho ŭdziełu ŭ takoj kłaŭnadzie, jakaja zvyčajna byvaje ź im. Ale ja zrabiŭ heta z pavahi da zaprašeńnia viadučaha Valeryja Fadziejeva, jakoje ŭzhadniałasia 5-6 miesiacaŭ», — adznačyŭ pasoł ES.
«Žyrynoŭskamu byli pradastaŭlenyja vyklučnyja miesca i mahčymaści dla samavyjaŭleńnia — jon staŭ kidacca roznaha rodu pahrozami «viarnuć Ukrainu», a taksama viarnuć Vilniu i Kłajpiedu, jakija nie naležać Litvie». Heta spravakavała maju niepaźbiežnuju reakcyju, abureńnie. Ja skazaŭ, što spadziajusia, što heta nie aficyjnaja pazicyja Rasii, prezidenta Uładzimira Pucina», — padkreśliŭ Ušackas.
Pavodle jaho słoŭ, prahramu hladziać miljony ludziej, tak što jana farmuje hramadskuju dumku.
Razam z tym MZS Litvy na svajoj staroncy ŭ Twitter taksama vykazaŭ nadzieju, što ŭłady RF dystancujucca ad zajaŭ Žyrynoŭskaha.
«Pryzvyčaiŭšysia da isteryi Žyrynoŭskaha, my čakajem, što ŭłady RF dystancujucca ad terytaryjalnych pretenzij da Litvy», — havorycca ŭ paviedamleńni.
Nahadajem, što ŭ sakaviku 2014 hoda Žyrynoŭski prapanavaŭ Polščy damahacca praviadzieńnia refierendumu ab dałučeńni piaci zachodnich abłaściej Ukrainy — Vałynskaj, Lvoŭskaj, Ivana-Frankoŭskaj, Ciarnopalskaj i Rovienskaj.
-
Sieuł patrabuje ad Kijeva vybačeńniaŭ za raskryćcio infarmacyi ab pieradačy Paŭdniovaj Karei vajennapałonnych z KNDR
-
Vučyč pajšoŭ u adstaŭku z pasady prezidenta Sierbii. Kab stać premjeram
-
«Bačyli niejkich robataŭ». Pobač z bazaj VPS u Anhlii aryštavali piać čałaviek — ich padazrajuć u padrychtoŭcy teraktu
Ciapier čytajuć
Statkievič apublikavaŭ foty ich novaha z Marynaj Adamovič doma3
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary