U Biełarusi bolš nie budzie nijakaj indeksacyi cen u budaŭnictvie, a buduć prymianiacca tyja ličby, jakija zakładzieny ŭ dahavorach. Ab hetym zajaviŭ siońnia namieśnik premjer-ministra Anatol Kalinin u chodzie sumiesnaha pasiadžeńnia Pałaty pradstaŭnikoŭ i Savieta Respubliki Nacyjanalnaha schodu Biełarusi.
«Z 1 studzienia biahučaha hoda ŭkaraniony ŭ praktyku budaŭnictva niaźmiennyja dahavornyja i kantraktnyja ceny. Ažyćcioŭleny pierachod na prajektavańnie ŭ dziejučych cenach. Nijakich štomiesiačnych indeksaŭ bolš nie budzie. Jość kaštarys, jość dahavor, cana, pa jakoj raźličvajuć, zychodziačy z prahnoznych indeksaŭ źmianieńnia koštu budaŭnictva, zaćvierdžanych Minekanomiki. Baki padpisali hety dahavor i niasuć adkaznaść za jaho vykanańnie», — skazaŭ Anatol Kalinin.
Vice-premjer dadaŭ, što, kali padradčyk zatraciŭ bolš srodkaŭ na budaŭnictva, heta jaho strata. «A atrymaŭ ekanomiju — heta jaho prybytak», — dadaŭ namieśnik premjer-ministra.
«Suadnosiny koštu žylla dla hramadzian, jakija majuć patrebu ŭ palapšeńni žyllovych umoŭ, i naminalnaj naličanaj siaredniamiesiačnaj zarpłaty nie pieravyšajuć kaeficyjent adzin i dva», — adznačyŭ Anatol Kalinin.
Pavodle jaho słoŭ, ciapier za košt źmianieńnia procipažarnych patrabavańniaŭ udałosia dabicca źnižeńnia koštu budavanych abjektaŭ na $10-$30 (na 1 kv.m), a taksama na $100-$500 na tonu mietałakanstrukcyj.
