Sistemy biaśpieki aeraportaŭ ZŠA akazalisia biaśsilnymi ŭ pošuku zbroi
U 95% vypadkaŭ «daskanałyja terarysty» zmahli pranieści zbroju ci vybuchoŭku praz skaniery.
Pracedury dahladu Upraŭleńnia transpartnaj biaśpieki ZŠA ŭ aeraportach pakazali vielmi małuju efiektyŭnaść pa vynikach rasśledavańnia Ministerstva nacyjanalnaj biaśpieki, raspaviadaje ABC News.
Daśledčyki Red Team pad vyhladam pasažyraŭ sprabavali pranieści zbroju ci vybuchoŭku praź dziasiatki amierykanskich aeraportach. Atrymałasia ŭ 67 z 70 vypadkaŭ.
U adnym z vypadkaŭ mahnitomietr pakazaŭ najaŭnaść niečaha padazronaha ŭ daśledčykaŭ, ale supracoŭniki słužby transpartnaj biaśpieki prosta nie znajšli vybuchoŭku, prymatanuju skotčam da śpiny daśledčyka.
Ministr unutranaj biaśpieki ZŠA Džech Džonsan byŭ rasčaravany vynikami daśledavańnia i pravioŭ terminovy instruktaž u štab-kvatery Upraŭleńnia, dzie jaho zapeŭnili, što peŭnyja źmieny ŭ pracedurach dahladu užo ŭviedzienyja.
Heta nie pieršy raz, kali Red Team paśpiachova abminaje sistemy biaśpieki aeraportaŭ: u 2013 hodzie daśledčyk z falšyvaj bombaj paśpiachova prajšoŭ asabisty dahlad u aeraporcie Ńju-Džersi. Na heta tahačasny kiraŭnik Upraŭleńnia transpartnaj biaśpieki adkazaŭ, što Red Team prosta jość «daskanałymi terarystami», jakija viedajuć usie dziry ŭ biaśpiecy, a sapraŭdnyja terarysty niazdolnyja tak lohka abyści dahlady.
Ministerstva nacyjanalnaj biaśpieki jašče ŭ dakładzie za vierasień 2014 hoda adznačała, što 550 młn dalaraŭ, zatračanyja z 2009 hoda na abstalavańnie dahladu bahažu i navučańnie piersanału, nie dali značnych palapšeńniaŭ u pracy Upraŭleńnia transpartnaj biaśpieki. «Dziry» vyklikanyja jak čałaviečym faktaram, tak i techničnaj častkaj sistem.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?13
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary