Kiroŭnaja partyja Spraviadlivaści i raźvićcia (AK) prezidenta Turcyi Redžepa Taipa Erdahana, pavodle papiarednich vynikaŭ vybaraŭ,zhubić absalutnuju parłamienckuju bolšaść.
Jak paviedamlaje telekanał CNN Turk, pa vynikach padliku 90% hałasoŭ, za AK addadziena 41% hałasoŭ, a kurdskaja Narodna-demakratyčnaja partyja (HDP) nabiraje 13% hałasoŭ i ŭpieršyniu traplaje ŭ parłamient.
Kali vyniki istotna nie źmieniacca, partyja Erdahana zhubić absalutnuju bolšaść u parłamiencie i nie zmoža pašyryć paŭnamoctvy prezidenta krainy, źmianiŭšy kanstytucyju, i joj, mahčyma, pryjdziecca farmavać kaalicyjny ŭrad.
Raniej sama nazva «kurdy» była ŭ Turcyi zabaroniena, zamiest hetaha naležała kazać «hornyja turki». Adnak pastupova zakony krainy pryvodziacca ŭ adpaviednaść ź jeŭrapiejskimi normami. Dziakujučy hetamu kurdy atrymali mahčymaść skiravać u parłamient ułasnuju partyju. HDP atrymała absalutnuju bolšaść u 11 pravincyjach na paŭdniovym uschodzie Turcyi i adnosnuju — jašče ŭ dźviuch na paŭnočnym uschodzie. U pravincyi Dyjarbakir — vakoł najbolšaha horada rehijona — kurdskaja partyja atrymała 78% hałasoŭ.
