Кіроўная партыя Справядлівасці і развіцця (АК) прэзідэнта Турцыі Рэджэпа Таіпа Эрдагана, паводле папярэдніх вынікаў выбараў,згубіць абсалютную парламенцкую большасць.
Як паведамляе тэлеканал CNN Turk, па выніках падліку 90% галасоў, за АК аддадзена 41% галасоў, а курдская Народна-дэмакратычная партыя (HDP) набірае 13% галасоў і ўпершыню трапляе ў парламент.
Калі вынікі істотна не зменяцца, партыя Эрдагана згубіць абсалютную большасць у парламенце і не зможа пашырыць паўнамоцтвы прэзідэнта краіны, змяніўшы канстытуцыю, і ёй, магчыма, прыйдзецца фармаваць кааліцыйны ўрад.
Раней сама назва «курды» была ў Турцыі забаронена, замест гэтага належала казаць «горныя туркі». Аднак паступова законы краіны прыводзяцца ў адпаведнасць з еўрапейскімі нормамі. Дзякуючы гэтаму курды атрымалі магчымасць скіраваць у парламент уласную партыю. HDP атрымала абсалютную большасць у 11 правінцыях на паўднёвым усходзе Турцыі і адносную — яшчэ ў дзвюх на паўночным усходзе. У правінцыі Дыярбакір — вакол найбольшага горада рэгіёна — курдская партыя атрымала 78% галасоў.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары