Dejnieha i Pušylin, Minsk, luty 2015, ria.ru
Samaabvieščanyja terytaryjalnyja utvareńni DNR i ŁNR prapanavali Kijevu abviaścić ich «asobnymi rajonami z asablivym statusam», pry hetym ličačy «nieadjemnaj składovaj častkaj Ukrainy».
Pra heta havorycca ŭ sumiesnaj zajavie lidaraŭ DNR i ŁNR Dzianisa Pušylina i Uładzisłava Dajnehi.
Pry hetym jany prapanujuć Kijevu taksama pryznać za imi paŭnamoctvy kiraŭnikoŭ asobnych rajonaŭ, a rašeńnie ab praciahu abo spynieńni hetych paŭnamoctvaŭ pakinuć za samimi rehijonami.
Prapanujecca nadzialić orhany miascovaha samakiravańnia asablivym statusam i stvarać orhany achovy hramadskaha paradku.
«Orhany miascovaha samakiravańnia asobnych rajonaŭ z asablivym statusam i orhany kiravańnia ich asacyjacyj u metach zabieśpiačeńnia hramadskaj biaśpieki majuć prava stvarać orhany achovy hramadskaha paradku: narodnuju milicyju», — havorycca ŭ dakumiencie.
Na siońnia ŭ tak zvanych «narodnych milicyjach» DNR i ŁNR na ŭzbrajeńni bolš za 550 tankaŭ. Heta suvymierna z najbolšymi jeŭrapiejskimi armijami.
