Siońnia na I Jeŭrapiejskich hulniach u Baku było razyhrana 11 kamplektaŭ uznaharod.
Biełaruskija atlety papoŭnili svoj ŭznaharodny bahaž bronzaj, jakuju zavajavaŭ barec hreka-rymskaha stylu Iosif Čuhašvili (vahavaja katehoryja — 130 kh). U miedalnaj skarboncy zbornaj Biełarusi ciapier 3 uznaharody, pryčym usie jany zdabytyja baraćbitami-kłasikami — srebra ŭ pieršy dzień spabornictvaŭ zavajavaŭ Sasłan Dauraŭ (da 59 kh), a pieršaja bronza dastałasia Viktaru Sasunoŭskamu (da 80 kh).
Byli razyhrany kamplekty ŭznaharod u nastupnych vidach:
- Tryjatłonie (mužčyny)
- Karate. Kumite (mužčyny) — vahavaja katehoryja da 84 kh, zvyš 84 kh
- Karate. Kumite (žančyny) — vahavaja katehoryja da 68 kh, zvyš 68 kh
- Karate. Kata (mužčyny)
- Karate. Kata (žančyny)
- Hreka-rymskaja baraćba - vahavaja katehoryja da 66 kh, da 75 kh, da 85 kh, 130 kh
Paśla troch spabornickich dzion miedalny zalik uznačalvaje kamanda Azierbajdžana, u jakoj 13 uznaharod (6 załatyja, 2 srebnyja, 5 bronzavych miedaloŭ). Na druhoj pazicyi zbornaja Rasii — 7 (5, 0, 2), treciaje miesca ŭ kamandy Turcyi — 12 (4, 2, 6). Biełaruskaja zbornaja dzielić 12-13-ja miescy z kamandaj Hiermanii.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)