Pačynajecca vizit u Biełaruś kiraŭnika Ruskaj pravasłaŭnaj carkvy
Prybyćcio patryjarcha Maskoŭskaha i ŭsiaje Rusi Kiryła ŭ nacyjanalny aeraport Minsk čakajecca siońnia, 20 červienia, prykładna apoŭdni.
Heta čaćviorty pieršaśviatarski vizit najśviaciejšaha patryjarcha Maskoŭskaha i ŭsiaje Rusi Kiryła ŭ miežy Biełaruskaj pravasłaŭnaj carkvy. Jon prymierkavany «da 1000-hodździa z dnia śmierci śviatoha roŭnaapostalnaha kniazia Uładzimira — chryściciela Rusi, a taksama da śviatkavańnia pamiaci Sabora biełaruskich śviatych i 70-hodździa pieramohi ŭ Vialikaj Ajčynnaj vajnie», paviedamlaje pres-słužba patryjarcha Maskoŭskaha i ŭsiaje Rusi.
U 14.30 patryjarch Kirył voźmie ŭdzieł u cyrymonii ŭskładańnia vianka da abieliska na płoščy Pieramohi.
U 17.00 kiraŭnik RPC uznačalić słužeńnie jutrani ŭsianočnaha niaspańnia ŭ Śviata-Duchavym kafiedralnym sabory na płoščy Svabody.
U 18.45 u Vierchnim horadzie z udziełam patryjarcha Kiryła pačniecca cyrymonija adkryćcia Duchoŭna-adukacyjnaha centra Biełaruskaj pravasłaŭnaj carkvy. «U ścienach kompleksu, zbudavanaha pry aktyŭnaj dapamozie biełaruskaj dziaržavy, buduć raźmiaščacca Minskaja duchoŭnaja akademija, zadačaj jakoj źjaŭlajecca padrychtoŭka bahasłoŭskich kadraŭ vyšejšaj vučonaj kvalifikacyi, i pamiaškańni profilnych struktur Biełaruskaha ekzarchata. Płanujecca, što centr stanie bazaj dla realizacyi šerahu aśvietnickich, kulturnych, maładziožnych i inšych prahram», — paviedamlaje sajt Maskoŭskaha patryjarchatu.
Zatym kiraŭnik RPC adbudzie ŭ Brest, dzie ranicaj 21 červienia adsłužyć Boskuju liturhiju va Uvaskrasienskim sabory.
U noč z 21 na 22 červienia patryjarch Kirył praviadzie paminalnuju lityju pa voinach-vyzvalicielach u Mikałajeŭskam harnizonnym sabory Bresckaj krepaści, a taksama voźmie ŭdzieł u žałobnym mitynhu-rekvijemie na płoščy Cyrymanijałaŭ u krepaści. Mitynh pačniecca ŭ 4 hadziny — čas pačatku Vialikaj Ajčynnaj vajny ŭ 1941 hodzie.
U toj ža dzień kiraŭnik RPC adbudzie ŭ Maskvu.
Ciapier čytajuć
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada3
Kamientary