Biełaruski biznesoviec Uładzimir Piefcijeŭ niekalki tydniaŭ tamu prysutničaŭ na adkryćci chrama ŭ vioscy Toniež u Lelčyckim rajonie.
Na sajtach Biełaruskaj pravasłaŭnaj carkvy i turaŭskaj jeparchii, dzie paviedamlajecca pra hetu padzieju, pra Piefcijeva havorycca, jak ab hałoŭnym fundataru budaŭnictva Nikolskaha chrama.
Carkva zbudavanaja na miescy spalenaha ŭ 1943 hodzie nacysckimi karnikami chrama, u jakim žyŭcom zhareli 262 miascovych žychara. Ź ich 108 čałaviek byli dziećmi da 16 hadoŭ.
Dabrasłavieńnie na budaŭnictva chrama ŭ «paleskaj Chatyni» daŭ jašče ŭ 2009 hodzie tahačasny mitrapalit Minski i Słucki Fiłaret, a srodki akramia Uładzimira Piefcijeva na jaho zbudavańnie pieraličyli miascovyja žychary i rajonnyja ŭłady. Studenty Biełaruskaj akademii mastactvaŭ i ajčynnyja mastaki dapamahli stvaryć ikony.
