Takimi «tradycyjnymi narkotykami» narkadylery, na dumku siłavikoŭ, pasprabujuć zamiaścić spajsy, jakija stała składana raspaŭsiudžvać.
U aŭtorak, 23 červienia pradstaŭniki MUS i Minzdaroŭja padčas pres-kanfierencyi padviali pramiežkavyja vyniki «antynarkatyčnaj revalucyi» ŭ Biełarusi.
Kiraŭnik milicejskaha Upraŭleńnia pa narkakantroli Vasil Łosič adznačyŭ, što miery dekretu №6 abrezali biełaruski narkarynak amal napałovu. Naša kraina stała pieršaj u śviecie, dzie lubyja spajsy, marki, paraški dy inšyja psichatropy novaha pakaleńnia zabaraniajuć za 3-5 dzion, a nie za miesiacy, jak heta było raniej.
Pry hetym Łosič prahnazuje, što ciapier dylery pasprabujuć bolš raspaŭsiudžvać u Biełarusi takija «tradycyjnyja» narkotyki, jak hierain i marychuanu. Hetamu paspryjaje i paharšeńnie ekanamičnaj situacyi ŭ postsavieckich krainach.
«Buduć vybudoŭvacca novyja kanały narkatrafiku. Budzie adnaŭlacca «Paŭnočny šlach» — tranzit afhanskich narkotykaŭ praz postsavieckija krainy ŭ Jeŭropu», — adznačyŭ kiraŭnik biełaruskaha Narkakantrolu.
Źjaŭleńnie taho ž hierainu nie samaja horšaja prykmieta ŭ našych umovach. Kaštuje jon u razy bolš, čym lubyja «dyzajnierskija narkotyki», dyj nabyć jaho našmat bolš składana. Adpaviedna, mienš ludziej budzie ŭciahvacca ŭ narkamaniju, a raspaŭsiudniki nie zmohuć paźbiahać adkaznaści dziakujučy prabiełam u zakanadaŭstvie, jak było raniej.
Ciapier čytajuć
Cichanoŭski: Łukašenku treba sudzić pa łukašysckich zakonach, ale pasadzić na koł6
Kamientary