Miensku mulajuć eŭrapiejskija formuły
Što za fokusy? Niadaŭna ž ichni ambasadar Surykaŭ ćvierdziŭ, što z druhoha kvartału haz padaražeje nia bolej jak na 10%. Piša ŭ svaim błohu Alaksandar Kłaskoŭski.
Rasieja pahražaje nam "padvojnym padvyšeńniem cenaŭ na haz ciaham hetaha hodu". Takuju niečakanuju zajavu zrabiŭ Alaksandar Łukašenka ŭ interviju RIA "Novosti" dy telekanału "Russia Today". Što za fokusy? Niadaŭna ž ichni ambasadar Surykaŭ ćvierdziŭ, što z druhoha kvartału padvyšeńnie nie pieravysić 10%.
Ekspert u naftahazavych pytańniach Taciana Manionak paćvierdziła mnie: 10-adsotkavaja stol padvyšeńnia ciaham 2008 hodu sapraŭdy praduhledžana dvuchbakovymi damoŭlenaściami. Tak što rasiejski haz sioleta musić kaštavać nia bolej za $125-129.
Naturalna, heta palityčnaja cana, jakaja jość vynikam zakulisnych (a tamu chistkich) damoŭlenaściaŭ kiraŭnictva dźviuch krainaŭ. I heta daje Maskvie mahčymaść cisnuć na psychiku biełaruskaha partnera, damahacca sustrečnych sastupak u inšych sferach. Hety hazavy vahar mocny. Bo ź 1 studzienia nastupnaha hodu, u vypadku kali pačnie biez vyniatkaŭ dziejničać rynkavaja ("eŭrapiejskaja") formuła, za tysiaču kuboŭ daviadziecca vykładvać, pavodle papiarednich padlikaŭ, nia mieniej jak pa $203. A heta dla našaj nierefarmavanaj ekanomiki kapiec. I zaraz biełaruski bok kaśćmi kładziecca, kab damahčysia pierahladu toj čortavaj formuły. Badaj, mienavita na heta i skiravana zajava biełaruskaha kiraŭnika, jakuju Taciana Manionak dyplamatyčna nazvała "emacyjnaj".
Uvohule ž u zhadanym interviju prezydent užyŭ zvykły ekspartny varyjant pijaru z raźlikam na šarahovy elektarat susiedniaj krainy (nie prapuścim na Maskvu tanki NATO i h.d.). Naŭrad ci hety patas paŭpłyvaje na prahmatyčny kurs Kramla. Inšaja reč, što, uskručvajučy adnoju rukoj ceny enerhanośbitaŭ, druhoj Maskva budzie ščodra davać kredyty. Leźcie, leźcie ŭ finansavuju piatlu, bratki-biełarusy!
ZY. Uvohule raju palityčnym dehustataram całkam pračytać interviju. Adčujecie šmat niuansaŭ :)
Ciapier čytajuć
U Minsku kolkaść niemaŭlataŭ skaraciłasia na tracinu proci 2020 hoda9
U Minsku kolkaść niemaŭlataŭ skaraciłasia na tracinu proci 2020 hoda
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary