Raśsielhasnahlad pakinuŭ dla biełaruskich pradpryjemstvaŭ raniejšyja ŭmovy pastavak miasa-małočnaj pradukcyi ŭ Rasieju da 1 traŭnia 2008 hodu, paviedamiŭ namieśnik načalnika hałoŭnaj upravy veterynaryi Minsielhascharču Michaił Bušyła.
Pra adterminoŭku dziejańnia novych praviłaŭ, zhodna jakich pastaŭlać miasa-małočnuju pradukcyju ŭ Rasieju zmohuć tolki atestavanyja rasiejskimi specyjalistami vytvorcy, kiraŭnictva Raśsielhasnahladu aficyjna paviedamiła Ministerstva sielskaj haspadarki i charču Biełarusi. Raniej byŭ vyznačany termin da 1 sakavika biahučaha hodu. Zaplanavanyja na luty pravierki jašče 33 pradpryjemstvaŭ – 12 miasapierapracoŭčych, 14 małakopierapracoŭčych, 6 ptuškafabryk, a taksama Mahiloŭskaha žełacinavaha zavodu pakul nie pravodzilisia.
Specyjalisty Raśsielhasnahladu atestavali 76 z 97 pravieranych biełaruskich pradpryjemstvaŭ, u tym liku 26 miasapierapracoŭčych, 47 małočnych, 1 ptuškafabryku, 1 kompleks pa pierapracoŭcy ryby i 1 śvinakompleks.
Nahadajem, što pa novych praviłach pastaŭki małaka, miasa j ryby ŭ Rasieju ažyćciaŭlajucca sa studzienia 2007 h. Taki samy režym dziejničaje dla krainaŭ Bałtyi i Ŭkrainy. Dla apošniaj taki paradak byŭ uviedzieny ŭ 2006 h..
Varta adznačyć, što Rasieja nie adrazu ŭžyła hetyja praviły ŭ dačynieńni da biełaruskich vytvorcaŭ, adsoŭvajučy ŭviadzieńnie novaha paradku impartu niekalki razoŭ.
