Drukavać na 3D-pryntarach možna i šasi zvyšlohkich pikapaŭ.
Kalifarnijski vynachodnik Kievin Cynhier i jaho kampanija Divergent Microfactories užyli technałohii 3D-druku dla tvareńnia niezvyčajnaha supierkara Blade, raspaviadaje Forbes.
Blade važyć usiaho 635 kiłahram, niemałaja častka vahi prychodzicca na ruchavik na 700 konskich sił. Sakret małoj vahi — zvyšlohkaje šasi, stvoranaja z vuhlarodnych trubak, złučanych drukavanymi na 3D-pryntary aluminijevymi častkami.
Z nula da 100 km/h zvyšlohki supierkar razhaniajecca mienš čym za 2,5 siekundy.
Takaja vaha — prykładna tracina vahi zvyčajnych supierkaraŭ kštałtu tych, što robić Porche. Heta navat mienš, čym niadaŭni rekardsmien pa razhonie da 300 km/hdz Koenigsegg One:1. Darečy, škoda navakolnamu asiarodździu pry vytvorčaści taksama składaje prykładna tracinu škody ad zvyčajnych supierkaraŭ.
Blade heta davoli ekstravahantnaja mašyna. Ale technałohija prydatnaja i dla zvyčajnych aŭto — naprykład, sieryjnych pikapaŭ. Cynhier kaža, što kampanija nie budzie budavać ułasnuju vytvorčaść (na heta patrebnyja miljardnyja inviestycyi), a źbirajecca pradavać licenziju na svaju technałohiju. Darečy, z takoj technałohijaj možna budavać nievialikija aŭtavytvorčaści, na jakija spatrebiacca chiba 10 młn dalaraŭ inviestycyj.
Aficyjnyja kraš-testy mašyn z takim šasi pakul nie pravodzilisia. Ale vynachodnik miarkuje, što šasi davoli nadziejnyja, dy i ŭ bližejšaj budučyni hałoŭnym faktaram biaśpieki stanuć technałohii paźbiahańnia avaryj z razumnym aŭtapiłotam.
Ciapier čytajuć
Staŭ viadomy sens kryminalnaj «spravy strachaŭščykoŭ»11
Kamientary