Heta stała mahčymym u vyniku vizitu ŭ Minsk śpiecpradstaŭnika prezidenta ZŠA Donalda Trampa Kita Kiełaha.
«Ćviordaje kiraŭnictva prezidenta Trampa pryviało siońnia da vyzvaleńnia 14 źniavolenych ź Biełarusi. Dziakuj uradu Litvy za supracoŭnictva i dapamohu — jon zastajecca sapraŭdnym siabram i chaŭruśnikam», — prakamientavaŭ u tvitary namieśnik Kiełaha Džon Kouł.
President Trump's strong leadership led to the release of 14 prisoners from Belarus today. Thanks to the Lithuanian government for its cooperation and assistance - they remain a true friend and ally. pic.twitter.com/W9xUj29l4Z
«Momant, jaki ja asabliva zapomniŭ: heta kali padjechaŭ furhon z hetymi 14 ludźmi pa adnoj z prasiołkavych daroh, pa jakoj my ich viali. Ja adčyniŭ dźviery, i ŭsie jany siadzieli z apuščanymi hałovami. Jany nie razumieli, što adbyvajecca. I ja skazaŭ: «Vy volnyja». Niekatoryja ź ich razmaŭlali pa-anhielsku, zrazumieli mianie i pieradali astatnim. Usio źmianiłasia. Jany nie viedali, kudy ich viazuć — mahčyma, dumali, što ŭ niejkaje žudasnaje miesca. Ich pryvieźli da mianie jak sapraŭdnych źniavolenych — z rukami za śpinaj, usio pa-sapraŭdnamu. Ale kali jany pačuli, što volnyja, jany byli ŭ zachapleńni», — raskazaŭ Koŭł.
Adnym z vyzvalenych staŭ Siarhiej Cichanoŭski. Na svabodzie taksama eks-dacentka MDŁU Natalla Dulina, anarchist Akichira Hajeŭski-Chanada, žurnalist Ihar Karniej, biełaruska Šviecyi Halina Kraśnianskaja, Kirył Bałachonaŭ, asudžany pa spravie «Sajuza Biełaruskaha Nacyjanalnaha Ščyta», hramadzianie Łatvii Jurys Hanińš i Dźmitryjs Michajłaŭs, hramadzianin Estonii Ałan Roja. Viadoma taksama pra troch vyzvalenych palakaŭ.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary