Pra što mienavita idzie havorka, namieśnik kiraŭnika padatkovaha viedamstva nie ŭdakładniŭ. Pavodle jaho słoŭ, prablema handlu praź interniet zaklučajecca ŭ tym, što sub\jekty haspadarańnia, asabliva tyja, chto addaje pieravahu «šerym» schiemam, «majuć bolšyja mahčymaści dla ŭchileńnia ad padatkaabkładańnia».
U.Pałujan zaznačyŭ, što dziaržava ŭžo robić «peŭnyja zachady» dla taho, kab abmiežavać mahčymaści ŭchileńnia ad padatkaabkładańnia pry ažyćciaŭleńni handlu pry dapamozie internieta. Adnak u MPZ ličać miery, što prymajucca, niedastatkovymi. «Prablema isnuje, i hetym treba zajmacca ŭ tym liku padatkovym orhanam», — padkreśliŭ pieršy namieśnik ministra.
Jak raniej paviedamlaŭ BiełaPAN, pra nieabchodnaść naviadzieńnia paradku ŭ śfiery ŭpłaty padatkaŭ pry realizacyi tavaraŭ praź interniet zajaviŭ prem\jer‑ministr Biełarusi Siarhiej Sidorski 1 lutaha na pasiadžeńni kalehii Ministerstva pa padatkach i zborach.
Zhodna sa źviestkami, ahučanymi ŭ kastryčniku 2007 hoda na kanfierencyi «Dziełavy interniet», kolkaść biełaruskich sajtaŭ u interniecie ŭ 2007 hodzie ŭ paraŭnańni z 2006 hodam uzrasła na piać tysiač i dasiahnuła 25 tysiač. U minułym hodzie taksama značna ŭzrasła kolkaść interniet‑kramaŭ — z 1.870 u 2006 hodzie da bolš čym troch tysiač u kancy 2007 hoda.
Razam z tym ekśpierty kanstatujuć adsutnaść u Biełarusi interniet‑handlu ŭ zvykłym jaho razumieńni, bo niama poŭnaha cykła luboha handlu «zamova — apłata — dastaŭka», usio zvodzicca tolki da zamovy tavaraŭ praź interniet.
