Na intervju z prezidentam Ekvadora Juryj Kazijatka pryjšoŭ u vyšyvancy
Prezident Ekvadora Rafael Karea vystupiŭ u efiry prahramy «Karcina śvietu» ź Juryjem Kazijatkam na kanale «RTR-Biełaruś» i atrymaŭ u padarunak biełaruskuju vyšyvanku. Karea vykazaŭ nadzieju, što Biełaruś i Ekvador buduć sumiesna zdabyvać naftu i vyrablać bieśpiłotniki.
«Ja viedaju, što vy lubicie nasić kašuli z vašym nacyjanalnym arnamientam, — raspačaŭ intervju Juryj Kazijatka. — U nas taksama jość takija kašuli. Jany nazyvajucca «vyšyvanki». I my chočam Vam padaryć takuju kašulu ź biełaruskim uzoram. Moža być, kali-niebudź Vy jaje zmožacie nadzieć ŭ niefarmalnaj abstanoŭcy. Naprykład, pry nastupnaj sustrečy ź biełaruskim prezidentam Alaksandram Łukašenkam».
«Vialiki dziakuj, jana vydatnaja! Kali b ja viedaŭ, što Vy pryjdziecie u «vyšyvancy», abaviazkova nadzieŭ by kašulu z nacyjanalnym uzoram», — adkazaŭ Karea.
«My čakajem prezidenta Łukašenku. Daty vizitu pieranosilisia praź vielmi napružany pracoŭny hrafik. My heta vydatna razumiejem. U lubym vypadku spadziajemsia, što prezident Biełarusi zmoža naviedać našu krainu», — skazaŭ Rafael Karea.
Aśpiekty pieramovaŭ raznastajnyja. «Heta i palityka, i ekanomika, bo našy adnosiny ź Biełaruśsiu zasnavanyja nie tolki na handli. U nas padobnyja palityčnyja pohlady na śvietaŭładkavańnie i raźvićcio našych krain», — skazaŭ jon.
«Razam ź Biełaruśsiu my ŭžo raspracoŭvajem pieršyja vieniesuelskija ruchaviki. Nam patrebnyja viertaloty Mi. Zamiest taho, kab kuplać ich, my mahli b stvaryć ułasnuju fabryku. Tym bolš što mnohija krainy ŭ našym rehijonie taksama vykarystoŭvajuć hetyja viertaloty. Pa mienšaj miery, tut patrebny centr pa navučańni, siervisny centr.
My ŭžo damovilisia razam ź Biełaruśsiu źbirać bieśpiłotnyja latalnyja aparaty «, — skazaŭ Rafael Karea.
Pavodle jaho, bolš za ŭsio Ekvadoru patrebnyja navukovyja raspracoŭki i technałohii vytvorčaści. U hetym Biełaruś moža vielmi dapamahčy, kali nie prosta budzie prapanoŭvać hruzaviki, a pabuduje tut zavod. «Akramia taho, Biełaruś dapamahaje nam u mnohich śfierach, jakija majuć stratehičnaje značeńnie: sistemy elektrasietki, hieołaha- i naftaraźviedki», — adznačyŭ prezident Ekvadora.
Tak, siońnia «Biełarusnafta» razam z ekvadorskaj dziaržaŭnaj kampanijaj «Pietraamazonas» udzielničaje ŭ raspracoŭcy naftavych radoviščaŭ. Kali vyniki buduć ŭdałymi, nastupnym krokam stanie zdabyča nafty.
«Da hetaha času ŭ nas nie tolki nie było prablem z «Biełarusnaftaj», ale my vielmi zadavolenyja tym, što najvažniejšaje biełaruskaje pradpryjemstva pracuje ŭ našaj krainie», — padkreśliŭ Rafael Karea.
Padobnaha nielha skazać pra amierykanskuju naftazdabyvajučuju kampaniju Chevron, jakaja ŭ minułaje dziesiacihodździe pry raspracoŭcy tut radoviščaŭ naniesła Ekvadoru kałasalnuju škodu, a siońnia admaŭlaje svaju adkaznaść za heta.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary