Na palihonie «Brescki» 38-j hvardziejskaj asobnaj mabilnaj bryhady zaviaršylisia biełaruska-kitajskija antyterarystyčnyja vučeńni «Imklivy aroł — 2015».
27 červienia vajskoŭcy śpiecyjalnaj pavietrana-desantnaj roty Pavietrana-desantnych vojskaŭ Vajenna-pavietranych siłaŭ Narodna-vyzvalenčaj armii Kitaja, jakija brali ŭdzieł u vučeńniach, vybyli da miesca pastajannaj dysłakacyi, paviedamiła pres-słužba Minabarony Biełarusi.
Kiravaŭ vučeńniami, jakija adbyvalisia z 15 pa 26 červienia, kamandujučy siłami śpiecyjalnych apieracyj Uzbrojenych sił hienierał-major Vadzim Dzienisienka. Ad biełaruskaha boku ŭ vučeńniach udzielničali vajskoŭcy mabilnaj roty 382-ha asobnaha mabilnaha bataljona 38-j hvardziejskaj asobnaj mabilnaj bryhady.
U ramkach vykanańnia vučebna-bajavych zadač adpracoŭvalisia pytańni padrychtoŭki i viadzieńnie śpiecyjalnych dziejańniaŭ sumiesnym padraździaleńniem US Biełarusi i Narodna-vyzvalenčaj armii Kitaja pry vykanańni antyterarystyčnych zadač.
Praviadzieńnie vučeńniaŭ «dazvoliła vypracavać u asabistaha składu vysokija bajavyja jakaści i maralna-psichałahičnuju sumiaščalnaść pry dziejańniach u składzie zvodnych šmatnacyjanalnych padraździaleńniaŭ, a taksama abmianiacca vopytam u arhanizacyi i viadzieńni śpiecyjalnych dziejańniaŭ pry vykanańni antyterarystyčnych zadač».
Ciapier čytajuć
Były hałoŭny ideołah Biełarusi pradaŭ dom u Drazdach za $600 tysiač2
Kamientary