Abmiežavańni na bankaŭskija apieracyi i źniaćcie najaŭnych praz bankamaty ŭ Hrecyi nie zakranuć turystaŭ, havorycca ŭ zajavie ŭrada Hrecyi.
«Usie, chto naviedvaje abo źbirajecca naviedać Hrecyju, pavinny być prainfarmavanyja, što miery, uviedzienyja ŭradam Hrecyi pa kantroli kapitału, nie raspaŭsiudžvajucca na tych, chto žadaje ździajśniać tranzakcyi abo źniaćcie najaŭnych, praz bankamat, z vykarystańniem kredytnaj abo hrašovaj karty, vypuščanych u krainie ich pachodžańnia», — havorycca ŭ pres-relizie hrečaskaha ŭrada.
Premjer-ministr krainy Aleksis Cypras abviaściŭ pra pačatak bankaŭskich vakacyj u niadzielu. Rada pa finansavaj stabilnaści parekamiendavała pakinuć banki krainy začynienymi na šeść bližejšych rabočych dzion.
Raniej paviedamlałasia, što vydaču najaŭnych u Hrecyi mohuć abmiežavać da € 60.
Kamientary