Druhija Jeŭrapiejskija hulni mohuć prajści ŭ Biełarusi. Pra heta paviedamiŭ pieršy vice-prezident NAK, pamočnik prezidenta Biełarusi pa pytańniach fizkultury, sportu i raźvićcia turyzmu Maksim Ryžankoŭ u efiry prahramy «Hałoŭny efir» na telekanale «Biełaruś 1».
«Prapanova z boku jeŭrapiejskich alimpijskich kamitetaŭ nam ahučana. U vypadku našaha žadańnia takoje mierapryjemstva mahło b adbycca ŭ nas, kali b my prapanavali ŭmovy jaho praviadzieńnia, adekvatnyja patrabavańniam».
U toj ža čas, pavodle jaho słoŭ, finansavy aśpiekt pakul prymušaje vielmi mocna ličyć, bo na padrychtoŭku da hulniaŭ nieabchodna vydatkavać miljardy dalaraŭ.
U Azierbajdžanie śpiecyjalna da hulniaŭ była pabudavana vielmi vialikaja spartyŭnaja infrastruktura. U Biełarusi heta i tak užo jość: viaślarnyja kanały, mnostva aren, vodna-spartyŭnych kompleksaŭ, tamu pieršapačatkovyja vydatki byli b nižejšyja.
«Ale pryjom 6000 atletaŭ, kala 1500 aficyjnych asob i žurnalistaŭ, zabieśpiačeńnie charčavańniem, pražyvańniem, transpartam, łahistykaj, tranślacyja karcinki pa ŭsich vidach sportu — voś heta, viadoma, kaštuje vielizarnych hrošaj», — skazaŭ Maksim Ryžankoŭ. Jon adznačyŭ, što Biełaruś pakul nie admoviłasia ad praviadzieńnia hulniaŭ, roŭna jak i inšyja patencyjnyja krainy-kandydaty.
Kamientary