Rehistracyja kandydataŭ na pasadu prezidenta Biełarusi pavinna zaviaršycca nie paźniej za 15 vieraśnia, paviedamiła siońnia staršynia Centrvybarkama Lidzija Jarmošyna na pasiadžeńni Pałaty pradstaŭnikoŭ.
Rehistracyja inicyjatyŭnych hrup pa zbory podpisaŭ dla vyłučeńnia kandydataŭ pavinna zaviaršycca nie paźniej za 22 lipienia.
Zbor podpisaŭ budzie praciahvacca z 23 lipienia pa 21 žniŭnia.
Taksama nie paźniej za 22 lipienia buduć stvorany terytaryjalnyja vybarkamy, a da 26 žniŭnia — učastkovyja.
Z 22 žniŭnia pa 5 vieraśnia treba budzie padać u CVK dakumienty na rehistracyju kandydataŭ.
Nie paźniej za 5 vieraśnia abłasnyja i Minskaja haradskaja kamisii padviaduć vyniki zboru podpisaŭ pa kožnaj kandydatury na svaich terytoryjach i pradstaviać hetyja vyniki ŭ Centrvybarkam.
Daterminovaje hałasavańnie projdzie z 6 pa 10 kastryčnika.
Vybary projduć 11 kastryčnika.
