Edvard Dmuchoŭski atrymaŭ papiaredžańnie ab «niedapuščalnaści dziejańniaŭ, jakija hruba parušajuć hramadzki paradak».
Edvard Dmuchoŭski siońnia naviedaŭ pavodle pozvy abłasnuju ŭpravu Kamiteta dziaržaŭnaj biaśpieki, dzie atrymaŭ papiaredžańnie ab niedapuščalnaści dziejańniaŭ, jakija hruba parušajuć hramadski paradak.
Supracoŭnik Kamiteta dziaržaŭnaj biaśpieki pa Hrodzienskaj vobłaści Aleh Žyvuška, jaki pravodziŭ razmovu, cikaviŭsia ŭ Edvarda Dmuchoŭskaha jaho hramadskaj dziejnaściu i ŭdziełam u šerahu mierapryjemstvaŭ, zarhanizavanych demakratyčnymi siłami. Akramia hetaha čekist sprabavaŭ vyśvietlić, ci nie źjaŭlajecca hramadski aktyvist zamiežnym špijonam i jakuju pabudovu majuć arhanizacyjnyja struktury rucha «Za svabodu». Na dumku Edvarda Dmuchoŭskaha, supracoŭnik KDB Aleh Žyvuška mieŭ na mecie akazać na jaho psichałahičny cisk:
- Zrazumieła, što kali supracoŭnik KDB pamiž inšym u razmovie ŭzhadvaje, što ŭ vypadku ŭdziełu ŭ tym ci inšym niesankcyjanavanym mierapryjemstvie mianie čakaje kryminalnaja adkaznaść, heta možna razhladać nie inakš, jak sprobu akazać psichałahičny cisk. Nie vyklučana taksama, što zachady KDB źviazany niepasredna z aktyŭnymi dziejańniami hrodzienskaha rucha “Za svabodu”, jaki na praciahu apošniaha času zładziŭ u horadzie šerah mierapryjemstvaŭ kulturnicka-nacyjanalnaha nakirunku.
Paśla razmovy supracoŭnik KDB pad rośpis aznajomiŭ Edvarda Dmuchoŭskaha z nastupstvami, jakija jaho čakajuć u suviazi z mahčymymi supraćpraŭnymi dziejańniami i paviedamiŭ, što ŭ vypadku parušeńnia artykuła 342 Kryminalnaha kodeksa dakumienty buduć pieradadzienyja ŭ prakuraturu dla dalejšaha raźbiralnictva.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary