Ahułam u Budsłavie sabrałasia kala 10 tysiač čałaviek.
Asoby ŭ cyvilnym zatrymali na Budsłaŭskim feście dvuch udzielnikaŭ u sakołkach z nacyjanalnaj simvolikaj, paviedamiŭ «Našaj Nivie» pradstaŭnik Biełaruskaj chryścijanskaj demakratyi Pavał Prakapovič.
Udzielniki — imavierna, heta byli baćka i syn — byli zatrymanyja ludźmi ŭ cyvilnym z racyjami i adpraŭlenyja ŭ pastarunak milicyi. Tam pałkoŭnik milicyi Juryj Žałuboŭski, namnačalnika adździeła ŭnutranych spraŭ Miadzielskaha rajvykankama pravioŭ z zatrymanymi hutarku, padčas jakoj było zajaŭlena, što «nie treba pieraŭtvarać relihijnaje mierapryjemstva ŭ palityčnaje», raspavioŭ Pavał Prakapovič, jaki byŭ śviedkam zdareńnia.
Pad kanvojem amapaŭcaŭ viernikaŭ vyvieli za terytoryju festu da ich aŭtamabila.
Pradstaŭniki ŭładaŭ nie pytalisia mierkavańnia arhanizataraŭ Budsłaŭskaha festa, ci bačać jany ŭ patryjatyčnaj simvolicy «palityku».
Śviata Maci Božaj Budsłaŭskaj u hetym hodzie naviedali bolš za 10 tysiač čałaviek, u tym liku 3000 piešych pilihrymaŭ.
Vialikaja častka ŭdzielnikaŭ, zbolšaha moładź, była apranutaja ŭ dzień śviata ŭ vyšytyja biełaruskija kašuli i inšuju vopratku z nacyjanalnym arnamientam i simvolikaj.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary