Da pazbaŭleńnia voli na dva z pałovaj hoda prysudžany były dyrektar filijała UP «Minabłhaz.
Jak paviedamlaje ŭpraŭleńnie infarmacyi i hramadskich suviaziaŭ MUS Biełarusi, supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj pa Minskaj vobłaści ŭstanavili, što na praciahu šaści hadoŭ dyrektar «Vilejkarajhaza» Anatol Markievič vykarystoŭvaŭ svajo słužbovaje stanovišča z asabistymi metami.
Z 2006 pa 2012 hady jon pryciahvaŭ padnačalenych dla raboty za miežami hazavaj haspadarki. U pracoŭny čas jany zajmalisia ŭborkaj bulby, zboram hryboŭ, ramontam kvater i katedžaŭ. Najmalnik ža vypłačvaŭ im tolki aficyjnuju zarabotnuju płatu, faktyčna pieratvaryŭšy ludziej u raboŭ na budplacoŭkach.
U koła «zamoŭcaŭ» biaspłatnaj pracy ŭvachodzili nie tolki złamyśnik, jaho radnia, ale i šmatlikija znajomyja: rajonnyja čynoŭniki i kiraŭniki pradpryjemstvaŭ.
Nie zastalisia pa-za ŭvahaj pravaachoŭnych orhanaŭ i fakty niametavaha vykarystańnia słužbovaj techniki, aŭtatranspartu. Istotnaje pavieličeńnie nahruzki i pracoŭnych zatrat inšych rabotnikaŭ, jakija vykonvali vytvorčyja zadačy padčas adsutnaści kalehaŭ, taksama byli ŭličanyja pry pryznačeńni pakarańnia.
Usiaho na sudovym pasiadžeńni było apytana bolš za 30 rabočych, jakija vykonvali niezakonnyja rasparadžeńni svajho kiraŭnika i paćvierdzili dokazy abvinavačańnia.
«U vyniku złačynnaj dziejnaści dyrektar «Vilejkarajhaza» nanios uron asabistym intaresam i pravam rabotnikaŭ pradpryjemstva, a taksama materyjalny ŭron u bujnym pamiery, — reziumavaŭ načalnik HUBAZiK MUS pa Minskaj vobłaści Viktar Šapavał. — Kab dakazać vinu fihuranta spravy, apieratyŭniki niekalki miesiacaŭ pravodzili śpiecmierapryjemstvy pa pošuku dokazaŭ i ŭstanaŭleńni śviedak».
Za złačynstva, praduhledžanaje č. 2 art. 424 KK (złoŭžyvańnie ŭładaj ci słužbovymi paŭnamoctvami) sud pryznačyŭ abvinavačvanamu pakarańnie ŭ vyhladzie dvuch z pałovaj hadoŭ pazbaŭleńnia voli i štrafu ŭ pamiery 300 bazavych vieličyń. Akramia taho, jon budzie pazbaŭleny na try hady prava zajmacca dziejnaściu, źviazanaj z arhanizacyjna-rasparadčymi funkcyjami i materyjalnaj adkaznaściu.
Pavodle słoŭ Viktara Šapavała, mnohija kiraŭniki i čynoŭniki ŭ rajcentrach ličać normaj pieryjadyčna karystacca svaim słužbovym stanoviščam z asabistymi metami. Jany nie bajacca, naprykład, adpravić padnačalenych da siabie na daču ŭ pracoŭny čas, kab vykapać tranšeju ci pakłaści plitku, vykarystoŭvać słužbovaje aŭto ci techniku dla ŭłasnych patreb.
«Słužbovym asobam treba pamiatać, što mienavita jany, majučy značna bolš spakusaŭ i mahčymaściaŭ «svajho kresła», znachodziacca pad pilnym kantrolem pravaachoŭnych orhanaŭ», — nahadaŭ Viktar Šapavał.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary