Subotniaja muzyka na płoščy Svabody stanovicca dobraj tradycyjaj.
Paśla paśpiachovych «Džazavych viečaroŭ ź BiełVEB» fond «Ideja» supolna z velcom ładzić na minskaj płoščy Svabody viečary kłasičnaj muzyki. U subotu, 11 lipienia prajšoŭ pieršy, «aŭstryjski» viečar.
Na pieršaj «Kłasicy la Ratušy z velcom» duchavy arkiestr «Niamiha» i «MjuzikDom Orkiestra» pad kiraŭnictvam Ivana Kaściachina vykanali ŭryŭki najlepšych tvoraŭ Hajdna, Mocarta i Štrausa.
Na scenie nie raz źjaŭlalisia opiernyja śpievaki. Pad scenaj ludziej viesialiŭ mim. Na adnu kampazicyju na scenu vyjšaŭ navat aŭstryjski horac (biełaruskaha pachodžańnia) z daŭžeznym alpijskim roham.
Pa słovach arhanizataraŭ, kancert naviedali da 8 tysiač čałaviek. Ludziej nie spužaŭ prahnoz nadvorja, jaki, na ščaście, nie spraŭdziŭsia. Zatoje spraŭdziŭsia prahnoz arhanizataraŭ adnosna mier biaśpieki — pierahinaŭ nie było. Pad scenaj la Ratušy, jak i na džazie, možna było pabačyć publiku ad 8 miesiacaŭ da 80 hod, niemałuju častku jakoj składała moładź. A zboku ad sceny ŭstalavali vializny ekran.
Napieradzie jašče try viečary kłasičnaj muzyki ź vielmi nasyčanaj i raznastajnaj prahramaj. U nastupnuju subotu tanha, praz subotu baroka, na apošnim viečary — Ahinski i biełaruskaja kłasika.
Čytajcie padrabiaźniej: Mocart, tanha, baroka, Ahinski i mała milicyi: što kali na Viečarach kłasičnaj muzyki pad Ratušaj
Pačatak štosubotu a 20-j hadzinie, uvachod volny.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary