Pieršaje intervju kandydatki ŭ prezidenty: «Kim ja pracuju? Siońnia składany dzień, ja adkažu zaŭtra»
Z kožnym dniom pavialičvajecca kolkaść achvotnych paŭdzielničać u prezidenckich vybarach 2015 hoda. Viečaram 16 lipienia svaje dakumienty ŭ CVK adnieśli dźvie małaviadomyja kandydatki, Žanna Ramanoŭskaja i Iryna Pieršyna.
U luboj krainie kandydaty ŭ prezidenty pieraśledujuć peŭnyja mety. Niechta choča pieramahčy, inšyja hatovyja prosta «zaśviacicca» siarod palitykaŭ. Takija kandydaty-fryki pieradusim zacikaŭlenyja va ŭvazie da svajoj asoby.
«Naša Niva» pasprabavała zrazumieć matyvy, jakimi kiravałasia Žanna Ramanoŭskaja, kali vyłučałasia ŭ prezidenty. Pryvodzim padradkoŭnik razmovy z kandydatkaj.
* * *
«NN»: Dobry dzień, spadarynia Žanna. Heta z haziety «Naša Niva» vas turbujuć. Ci mahčyma vam zadać niekalki pytańniaŭ?
Žanna Ramanoŭskaja: Možna nie siońnia, bo mnie treba sioje-toje padkarektavać?… (śmiajecca)
«NN»: U płanie? Vy źbirajeciesia niešta ŭ svajoj prahramie karektavać?
ŽR: Nie-nie. Prosta na dadzieny momant ja… nu nie toje što… Uvohule, ja zaniataja. Ja pracuju zaraz. Kali vas zadavalniaje, ja z vami parazmaŭlaju, ale nie siońnia.
«NN»: Usio ž isnuje hramadski intares, tamu, moža, na niekalki pytańniaŭ vy b adkazali zaraz? A astatniuju častku ŭ piatnicu ci ŭ subotu, kali vam budzie zručna.
ŽR: Prabačcie, jak vas kličuć?
«NN»: Jahor.
ŽR: Jahor? Ja z vami pa-rusku razmaŭlaju. Ja ŭ žyćci pa-rusku, ale pa-biełarusku razumieju. Prosta ja nie nastrojena zaraz razmaŭlać. Ja ciapier siadžu i pracuju.
«NN»: Dla našych čytačoŭ cikava, jak vy staviciesia da kanflikta na Danbasie. Heta Ukraina ci nie? Prosta adzin skaz.
ŽR: Jahor, davajcie ja zapišu vaš numar, u mianie jon vyznačyŭsia, i my z vami parazmaŭlajem paśla.
«NN»: Vy ž źbirajeciesia zmahacca za pieršuju pasadu kiraŭnika krainy! Ja dumaju, heta vy pieradusim zacikaŭlenyja ŭ tym, kab vašyja…
ŽR: Ja prosta zaraz pracuju ŭ inšym nakirunku.
«NN»: Moža, vy patłumačycie chacia b, kim vy pracujecie? Bo hetaja infarmacyja taksama nikomu nieviadomaja i niezrazumiełaja.
ŽR: Dyk nie, ja adkažu na vašyja pytańni. Možna nie siońnia? Ja razumieju, što ŭ vas tam, ale…
«NN»: Vy bałatujeciesia ŭ prezidenty i nie možacie adkazać, kim pracujecie. Heta ž aniekdot!
ŽR: U mianie siońnia vielmi składany dzień…
«NN»: Vy kim pracujecie pa žyćci?
ŽR: Jahor, vy mianie pačuli?
«NN»: Ja nie razumieju. Vy nie možacie adkazać, kim vy pracujecie, i vy idziacie ŭ prezidenty?
ŽR: Jahor, vy mianie nie čujecie, tak? U mianie siońnia vielmi składany dzień.
«NN»: Vy nastaŭnica ci nie?
ŽR: Nastaŭnica.
«NN»: Vy nastaŭnica čaho?
ŽR: Vy chočacie mianie raskrucić? (śmiajecca) Ja nie chaču, kab heta było z buchty-barachty. Niejkija abryŭki kanteksta…
«NN»: Vy padtrymlivajecie palityku Alaksandra Łukašenki ci vystupajecie suprać?
ŽR: Ja adkažu zaŭtra.
* * *
Svaju «prahramu» Žanna Ramanoŭskaja ahučyła ŭ roliku, vystaŭlenym na Ju'Tubie.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary