U Ščučynskim rajonie śledčymi, apieratyŭnymi supracoŭnikami milicyi i ekśpiertami raskryta zabojstva adzinokaj piensijanierki, paviedamlaje sk.gov.by.
Cieła 65-hadovaj žančyny vyjaŭlena jaje svajakom na bulbianym poli viečaram 15 lipienia. Padčas ahladu miesca zdareńnia ŭstanoŭlena, što na ciele žančyny majucca bačnyja cialesnyja paškodžańni, a pryčynaj jaje śmierci stała miechaničnaja aśfiksija.
Pa fakcie naŭmysnaha zabojstva ŭpraŭleńnie Śledčaha kamiteta Respubliki Biełaruś pa Hrodzienskaj vobłaści zaviało kryminalnuju spravu (č.1 art.139 KK Respubliki Biełaruś).
Dalejšyja praviedzienyja śledčyja dziejańni i apieratyŭna-vyšukovyja mierapryjemstvy dazvolili apieratyŭna ŭstalavać padazravanaha.
Im akazaŭsia niepracujučy žychar Navahrudka 1982 hoda naradžeńnia, što pražyvaŭ u susiedniaj vioscy. Supracoŭniki kryminalnaha vyšuku ŭstalavali jaho miescaznachodžańnie i praviali zatrymańnie. Padazravany źmieščany pad vartu.
Matyŭ złačynstva vyśviatlajecca. Pryznačany šerah sudova-miedycynskich i inšych ekśpiertyz, a taksama sudova-psichijatryčnaja ekśpiertyza ŭ dačynieńni da padazravanaha dla vyznačeńnia jaho zdolnaści ŭśviedamlać charaktar zroblenaha i nieści adkaznaść na ahulnych padstavach, paviedamlaje Śledčy kamitet.