ria.ru
Maskoŭski haradski sud prysudziŭ adnaho ź ideołahaŭ i lidaraŭ nacyjanalistyčnaj hrupoŭki «Bajavaja arhanizacyja ruskich nacyjanalistaŭ» (BORN) Illu Haračava da pažyćciovaha pazbaŭleńnia voli ŭ kałonii asablivaha režymu.
«Pryznačyć Haračavu kančatkovaje pakarańnie ŭ vyhladzie pažyćciovaha źniavoleńnia z adbyvańniem u kałonii asablivaha režymu», — abviaściŭ rašeńnie sudździa Pavieł Mialechin.
Advakat Haračava Mikałaj Połazaŭ skazaŭ, što, na jaho dumku, kalehija prysiažnych padpali pad cisk z boku prakurora i sudździ, akramia taho, sudździa nie daŭ advakatam pradstavić važnyja dokazy i admaŭlaŭ u niekatorych vočnych staŭkach.
Padčas abviaščeńnia prysudu Haračaŭ zhubiŭ prytomnaść.
Sudovyja prystavy padniali Haračava i pasadzili na łavu, paśla čaho sudździa praciahnuŭ čytać prysud.
Raniej prysiažnyja adnahałosna pryznali Haračieva vinavatym va ŭsich inkryminavanych jamu dziejańniach. Havorka idzie pra zabojstvy antyfašystaŭ Fiodara Fiłatava i Illi Džaparydze, advakata Stanisłava Markiełava i žurnalistki Anastasii Baburavaj, hramadzianina Tadžykistana Sałachidzina Azizava i člena hrupoŭki «Čornyja jastraby» Rasuła Chaliłava. Na dumku kalehii, padsudny nie zasłuhoŭvaje spahady.
Haračaŭ byŭ zatrymany ŭ Sierbii ŭ mai 2013 hoda pa zapycie hienprakuratury Rasii.
