Labiedźka arhanizavaŭ u centry Minska pikiet salidarnaści z palitviaźniami i pamiaci źnikłych, heta vyklikała niervovuju reakcyju ŭładaŭ FOTA
Siońnia, 28 lipienia, u Minsku kala HUMa Abjadnanaja hramadzianskaja partyja (AHP) praviała pikiet salidarnaści z palitviaźniami i svajakami źnikłych palitykaŭ.
Pikiet vyklikaŭ niervovuju reakcyju ŭładaŭ. Na jaho pryjšoŭ namieśnik staršyni vybarčaj kamisii Centralnaha rajona Minska Barys Kručkoŭ i dziasiatak siłavikoŭ u cyvilnym.
«Na pikiecie pavinny być partrety kandydata, a nie inšych ludziej», — nakinuŭsia na Labiedźku Barys Kručkoŭ, vyłučany ŭ vybarkam Kamunistyčnaj partyjaj.
U adkaz na heta Labiedźka i Karniajenka dastali Vybarčy kodeks i paprasili paznačyć artykuł, dzie prapisana, ź jakimi partretami možna stajać. «Vy ž ahitujecie za siabie, tamu pra siabie i kažycie», — niervavalisia pradstaŭniki kamisii (na pieršym fota śpinami).
Lidar AHP Anatol Labiedźka źbiraje podpisy, kab stać kandydatam u prezidenty. Status pretendenta dazvalaje jamu arhanizoŭvać pikiety.
Pikietoŭcy zhadali ŭ tym liku eks-kandydata ŭ prezidenty Mikałaja Statkieviča, jaki zastajecca za kratami.
Ciapier čytajuć
Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt1
Kamientary