Papa Francišak zaklikaŭ katalickich śviataroŭ być bolš spahadlivymi da tych viernikaŭ, jakija pieražyli razvod.
Pantyfik padkreśliŭ, što, choć razvod i druhi šlub ličycca Katalickaj carkvoj hrachom, adnak viernikaŭ, jakija pieražyli heta, nie treba adstaraniać ad carkvy, pieradaje Bi-Bi-Si. Taksama i dzieci paraŭ, jakija pieražyli razvod, nie pavinny adčuvać siabie ŭ carkvie čymści niedaskanałymi, a pavinny adčuvać siabie častkaj carkvy, dadaŭ jon.
Dla katalikoŭ niama paniaćcia razvodu. Paŭtorny šlub moža być błasłaŭlony carkvoj tolki ŭ vypadku śmierci adnaho z muža i žonki abo ŭ vypadku pryznańnia pieršaha šlubu niesapraŭdnym (naprykład, fiktyŭny šlub abo šlub pa prymusie).
I choć katalikoŭ, jakija pieražyli razvod, nie adłučajuć ad carkvy, adnak jany nie dapuskajucca da ŭdziełu ŭ tajamnicy Eŭcharystyi (pryčaścia).
U vyniku mnohija ludzi, jakija pieražyli niaŭdaču ŭ pieršym šlubie, z-za niemahčymaści zaklučyć paŭtorny carkoŭny šlub vymušanyja žyć u hramadzianskim sajuzie i bajacca prychodzić u carkvu, čakajučy asudžeńnia jak z boku viernikaŭ, tak i z boku duchavienstva.
Miž tym kolkaść razvodaŭ va ŭsim śviecie davoli vialikaja ciapier.
U vieraśni minułaha hoda ŭ vatykanskaj bazylicy papa Francišak viančaŭ niekalki par, i siarod ich adzin z žanichoŭ mieŭ za plačyma razvod.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary