U Hrodnie žančyna admoviłasia ad pašparta z-za rasiejskamoŭnych štampaŭ
Haradziency źviartajucca ŭ Ministerstva ŭnutranych spraŭ i Departamient pa hramadzianstvu i mihracyi z patrabavańniem viarnuć biełaruskamoŭnyja štampy ŭ pašpartach hramadzian Respubliki Biełaruś. Apošnim časam słužby, jakija ŭ Hrodnie zajmajucca afarmleńniem pašpartoŭ, pačali vykarystoŭvać rasiejskamoŭnyja štampy ab prapiscy, rehistracyi šlubaŭ i najaŭnaści dziaciej zamiest biełaruskamoŭnych, što dla mnohich žycharoŭ horada źjaŭlajecca asabistaj abrazaj.
— Ja zaraz mianiaju pašpart i vielmi ździviłasia, pabačyŭšy, što tam stajać rasiejskamoŭnyja štampy. Ja admoviłasia ad pašparta. Što heta takoje! Ja chaču, kab stajaŭ toj samy biełaruskamoŭny štamp. Biełaruskaja mova dla mianie mova asnoŭnaja. Ja tut žyvu, ja pavinna pavažać, ja pavinna jaje viedać. I tyja, chto pryjazdžajuć siudy žyć, taksama pavinny viedać, razumieć i pavažać krainu, — kaža žycharka Hrodna.
Va ŭpraŭleńni pa hramadzianstvu i mihracyi Hrodzienskaj vobłaści patłumačyli, što rasiejskamoŭnyja štampy byli ŭviedzienyja zamiest biełaruskamoŭnych jašče niekalki hadoŭ tamu. Aficyjnaha dakumienta ab zamienie biełaruskaj movy na rasiejskuju ź Ministerstva ŭnutranych spraŭ nie pastupała.
Kamientary