.
Žanr: bajavik, tryler, pryhody
Režysior: Krystafier MakKuory
U rolach: Tom Kruz, Džerami Renier, Sajman Pieh, Rebieka Fierhiusan, Vinh Rejmz, Šon Charys, Alek Bołduin, Sajman MakBierni, Tom Chałander
ZŠA, 131 chv.
Adznaka: 7,5
Atrad «Misija nievykanalnaja» raspuskajuć, i ahient Itan Chant (Tom Kruz) vymušany pracavać u adzinocie, a jaho kalehi razychodziacca chto kudy.
Ale mienavita ŭ hety čas na suśvietnuju scenu znoŭ vychodzić «Sindykat» — mižnarodnaja sietka vysokaprafiesijnych śpiecahientaŭ i zabojcaŭ, jakija doŭha palavali na kamandu Chanta. Ich nazyvajuć «izhojami», i jany pastavili pierad saboj metu — ustalavańnie novaha suśvietnaha paradku. Dziela hetaha złamyśniki hatovyja pravieści sieryju teraktaŭ. Abjadnaŭšysia z brytanskaj ahientkaj Ilzaj Faŭst (Rebieka Fierhiusan), Itan z kamandaj, jakaja źbirajecca znoŭ i dziejničaje nasupierak usim špijonskim arhanizacyjam, prystupajuć da novaj misii pa vykryćci «Sindykatu» i jaho kiraŭnika Sałamona Łejna, uśviedamlajučy, što nie mohuć daviarać navat sabie.
Amierykanski akcior i pradziusar Tom Kruz vypuściŭ novuju častku kinasieryjała, udzielnikam jakoha źjaŭlajecca na praciahu amal 20-ci hadoŭ. Špijonski bajavik hetym razam zdymali ŭ Vialikabrytanii, Aŭstryi i Maroka. Brytanskuju ahientku syhrała šviedka Rebieka Fierhiusan, padobnaja da šviedskaj aktrysy Inhryd Bierhman.
Praktyčna ŭsie truki i bajavyja sceny ŭ filmie byli vykananyja samim Tomam Kruzam — akcior admoviŭsia ad dubloraŭ.
Za čas zdymak jon šeść razoŭ atrymlivaŭ traŭmy. Samastojna vykanaŭ svaje truki padčas kiravańnia aŭto i kaleha Kruza Sajman Pieh.
Darečy, padčas adnaho z daŭnich zadańniaŭ Chanta dziejańnie adbyvajecca na terytoryi Biełarusi. U adnoj z epizadyčnych rolaŭ tut źjaviŭsia biełarus Dzianis Charoška, jaki ciapier žyvie ŭ Łondanie. Zdymki hetaj sceny adbyvalisia ŭ brytanskim Linkalnšyry.
Siužet filma adsyłaje da kłasičnych bajevikoŭ, dzie minimum śpiecefiektaŭ i šmat kaskadziorskich trukaŭ. Zakručany siužet i bajavityja hieroi pryvabiać amataraŭ kino pra špijonaŭ.
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary