Biełarusi nichto nie stavić umoŭ, źviazanych z praviadzieńniem prezidenckich vybaraŭ. Pra heta, raspaviadajučy pra staŭleńnie zachodnich krain da majučych adbycca 11 kastryčnika prezidenckich vybaraŭ, zajaviŭ u niadzielu ŭ efiry prahramy «Kontury» telekanała ANT ministr zamiežnych spraŭ Biełarusi Uładzimir Makiej.
«Nichto nie stavić nam umoŭ, źviazanych z praviadzieńniem vybaraŭ, dy nichto i nie maje prava, — skazaŭ ministr. — My — suvierennaja kraina i pravodzim vybary ŭ adpaviednaści z nacyjanalnym zakanadaŭstvam i našymi mižnarodnymi abaviazalnictvami».
«Ja pierakanany, što hetyja vybary projduć mienavita transparentna, adkryta i prablem, źviazanych z praviadzieńniem hetych vybaraŭ, u nas nie budzie», — padkreśliŭ Makiej.
Jon taksama adznačyŭ, što Minsk zacikaŭleny, kab adnosiny Biełarusi i ES jak maha chutčej narmalizavalisia.
«My čakajem, što heta rana ci pozna adbudziecca. I heta pojdzie na karyść i rehijonu, i krainie, i našym partnioram»,— skazaŭ kiraŭnik MZS Biełarusi.
Nahadajem, u kancy červienia Jeŭrakamisar pa palitycy susiedstva Jochanes Chan zajaviŭ, što Jeŭrasajuz «čakaje sumlennych i prazrystych vybaraŭ u Biełarusi», ale nie staŭ prahnazavać ich vynik.
Vybary prezidenta Biełarusi pryznačany na 11 kastryčnika.