Łukašenka daručyŭ prapracavać pytańni ŭdaskanaleńnia pryjomu ŭ VNU i CT
Alaksandr Łukašenka daručyŭ prapracavać pytańni ŭdaskanaleńnia sistemy pryjomu ŭ VNU.
Takuju zadaču jon pastaviŭ siońnia, prymajučy z dakładam ministra adukacyi Biełarusi Michaiła Žuraŭkova.
Kiraŭniku dziaržavy było paviedamlena ab tym, jak prajšła ŭstupnaja kampanija ŭ krainie. Pa słovach ministra, vykanany ŭsie kantrolnyja ličby pryjomu ŭ navučalnyja ŭstanovy, asabliva na biudžetnaje navučańnie i na tyja śpiecyjalnaści, jakija źjaŭlajucca zapatrabavanymi dla ekanomiki krainy.
Łukašenka pastaviŭ zadaču pa dalejšym udaskanaleńni sistemy pryjomu, asabliva ŭ vyšejšyja navučalnyja ŭstanovy, sistemy centralizavanaha testavańnia. Kiraŭniku dziaržavy paviedamlena ab prapanovach Ministerstva adukacyi, płanavanych źmienach z nastupnaha hoda ŭ pryjomnaj kampanii.
U pryvatnaści, budzie vyrašacca pytańnie ab zdačy čatyroch pradmietaŭ na CT, ab padačy dakumientaŭ adnačasova ŭ niekalki VNU pa adnolkavym profili.
Akramia taho, razhladajucca niekatoryja techničnyja źmieny, jakija tyčacca samoj pracedury praviadzieńnia centralizavanaha testavańnia.
Michaił Žuraŭkoŭ adznačyŭ, što hetyja pytańni buduć prapracavanyja i vyniki pradstaŭlenyja budučym abituryjentam.
Ciapier čytajuć
Čamu ŭ biełaruskaj turmie tak mocna chudziejuć? Tłumačym8
Kamientary