U vychadnyja dni prahnazujecca ciopłaje biez apadkaŭ nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
«Chaładnavaty pieryjad žniŭnia zakančvajecca. Pačynajecca pastupovaje paciapleńnie, kulminacyja jakoha prypadzie na vychadnyja. Da kanca tydnia apadkaŭ nie čakajecca. Na fonie pieramiennaj vobłačnaści arktyčnaje pavietra pačnie prahravacca», — paviedamiŭ sinoptyk.
U subotu dzionnaja tempieratura składzie plus 22—27°S, nočču i ranicaj plus 7—14°S, miescami plus 5—6°S. U niadzielu pavietra jašče bolš prahrejecca i składzie plus 23—28°S, «voś tolki ranišniki zastanucca chaładnavatymi — na śvitańni plus 6—13°S, miescami da plus 15°S», adznačyŭ Rabaŭ.
U Minsku małavobłačna, biez apadkaŭ. Tempieratura pavietra: u subotu nočču plus 10—12°S, dniom plus 23—25°S, u niadzielu nočču plus 9—11°S, dniom plus 24—26°S.
«U pačatku nastupnaha tydnia novych siensacyj nie čakajecca — pad upłyvam vobłaści pavyšanaha cisku nadvorje zastaniecca kamfortnym i ŭmierana ciopłym.
Pieravažnaja dzionnaja tempieratura składzie ŭ paniadziełak plus 23—28°S, u aŭtorak plus 24—29°S. I pa-raniejšamu nadvorje budzie suchim», — paviedamiŭ Rabaŭ.
Jon taksama adznačyŭ, što «pažaraniebiaśpiečnaje i hidrałahičnaje stanovišča zastajecca składanym, i palapšeńnia najbližejšym časam čakać nie davodzicca».
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary