Niaklajeŭ: Karatkievič pieratvarajecca ŭ kamsamolskuju płastmasavuju lalku
Eks-kandydat u prezidenty patłumačyŭ, čamu jon admoviŭsia padtrymać Taćcianu Karatkievič — svaju byłuju paplečnicu.
Vital Cyhankoŭ: Vy pracavali z Karatkievič niekalki hadoŭ u «Havary praŭdu». Jakoje vaša ŭražańnie — ci jana palityčna dastatkova samastojny čałaviek, ci jana pradstaŭlaje na siońnia pierš za ŭsio nie siabie jak asobu, a tych ludziej, jakija rajać i padkazvajuć joj, što havaryć i rabić?
Uładzimier Niaklajeŭ: Karatkievič siońnia pradstaŭlaje idealohiju kampanii «Havary praŭdu». Tuju, jakaja skłałasia na siońniašni momant. I jakaja mnie asabista biez patreby. Heta była adna z pryčyn, pa jakich u nas uźnik unutrany kanflikt, jaki raźvivaŭsia i pryvioŭ da taho, da čaho pryvioŭ.
I Taciana nia horšaja za inšych kandydataŭ, u jaje jość svaje pieravahi, jana vielmi naturalnaja. Ale joj nie daje być naturalnaj sytuacyja. Heta dziaŭčyna, jakaja adstajała niekali sa mnoj u pikietach, na marozie, jakaja stajała z majoj žonkaj razam na prystupkach budynku KDB, dzie siadzieŭ Statkievič, i, zryvajučy hołas, kryčała ludziam «Stojcie, dapamažycie!». I raptam siońnia jana hłybakadumna zajaŭlaje, što vyłučać Statkieviča kandydatam u prezydenty nieprahmatyčna z punktu hledžańnia palityki. Heta absalutna nie jaje, heta nastolki dla jaje nie naturalna, što jana pieratvarajecca ŭ plastmasavuju lalku, pryčym kamsamolskuju plastmasavuju lalku.
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary