Kiraŭnictva Rasii budzie asudžana mižnarodnym sudom i historyjaj. Pra heta ŭ vinšavańni da Dnia Niezaležnaści Ukrainy zajaviŭ premjer-ministr Arsień Jacaniuk.
«My chacieli svajoj dziaržavy, jakaja zrobić niemahčymym paŭtareńnie haładamoraŭ, departacyjaŭ i mardoŭskaj katarhi. Ukraincy nikoli nie maryli zachapić čužoje; jany nikoli nie maryli pra toje, kab myć sałdackija boty ŭ čužych morach. Ale my nie damo, kab u našych morach myli boty čužyja sałdaty. Ukrainski prahres svabody, viaršenstva prava i spraviadlivaści — pahroza dla dyktatur. Tamu adkazam na naša prasoŭvańnie ŭ Jeŭropu, adkazam na našy płany pierabudovy svajoj krainy stała vajennaja ahresija Rasii. Historyja paśla Druhoj suśvietnaj vajny jašče nie viedała takoha padstupstva, taki podłaści, kali b kraina, jakaja davała inšaj krainie harantyi abarony i terytaryjalnaj cełasnaści, napała na jaje, akupavała častku terytoryi i viała vajnu suprać jaje. I pastajanna razmachvaje pry hetym jadziernaj dubinaj, pahražajučy ŭsiamu śvietu Heta realnaść, u jakoj Ukraina žyvie i zmahajecca apošnija paŭtara hoda. I abaviazkova pieramoža «, - adznačyŭ premjer-ministr.
Arsień Jacaniuk vykazaŭ upeŭnienaść ŭ zachavańni padtrymki Ukrainy mižnarodnaj supolnaściu i niepaźbiežnaj raspłaty kiraŭnictva krainy-ahresara. «Śviet vynies uroki ź Miunchienskaj trahiedyi 1938, kali napałochanyja abiacańniami Hitlera raźviazać suśvietnuju vajnu, zachodnija lidary addali jamu češskija Sudety. I atrymali samuju žudasnuju vajnu ŭ historyi čałaviectva. Ahresary nielha ŭbłažać. Jaho treba spyniać. Cyvilizavany śviet nikoli nie prahłynie anieksiju Kryma. paŭvostraŭ, u jaki ŭkraincy ŭkłali stolki svajho potu i pracy, abaviazkova budzie ukrainskim. Kali ja kažu, što jon budzie ukrainskim, to heta aznačaje, što ŭkrainskaja ŭłada viernie ŭ Krym źniščanyja zaraz Rasijaj zakon, svabody, pravy krymskich tataraŭ, nacyjanalnych mienšaściaŭ i čałaviečuju hodnaść. A tyja, chto zachapiŭ Krym, adpraviŭ terarystaŭ u Danieck i Łuhansk, buduć asudžanyja mižnarodnym sudom i historyjaj», - skazaŭ premjer-ministr.
-
Izrail likvidavaŭ kamandujučaha siłami śpiecyjalnaha pryznačeńnia KVIR Makadama, jakoha padazravali ŭ arhanizacyi zamachu na Trampa
-
Cyrymonija raźvitańnia z Chamieniei pieraniesiena «pa šmatlikich prośbach hramadzian»
-
Aktyŭny palityk ź idejami isłamskaj revalucyi, bolš radykalny, čym baćka. Chto taki Madžtaba Chamieniei
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary