Jašče paŭtara hady tamu Danbas byŭ adnym z samych kvitniejučych rehijonaŭ Ukrainy. Pa bahaćci i hlancu Danieck išoŭ naroŭni z Kijevam, apiaredžvajučy inšyja abłasnyja centry Ukrainy, dy i Rasii.
Vałavy rehijanalny pradukt rehijona składaŭ kala 15%, što supastaŭna z dolaj Maskvy ŭ VUP Rasii (17%). Z pačatku vajny ekanomika rehijona, pa dadzienych Nacbanka Ukrainy, źniziłasia ŭtraja.
Ukrainski i zamiežny biznes pačaŭ masava pakidać Danbas, kansiervujučy toje, što nielha vyvieźci: zavody, abstalavańnie, nieruchomaść. Zrešty, u kinutych aktyvaŭ nieŭzabavie stali źjaŭlacca novyja ŭładalniki. A tyja z kamiersantaŭ, chto ryzyknuŭ zastacca, byli vymušanyja damaŭlacca z novymi ŭładami. Zabytaje paniaćcie «dach» znoŭ viarnułasia va ŭžytak. Zrešty, dach — zaraz nie prosta skałočanyja bryhady kačkoŭ z kastetami, armaturaj i «Stečkinym». Dach maje kulamioty, hranatamioty i ciažkuju techniku.
Vyrašalnaje značeńnie maje pieravaha ŭ žyvoj sile. Aŭtarytet — toj, na čyim baku bolš štykoŭ. Najbolšaj kolkaściu štykoŭ i, adpaviedna, ekanamičnaj mahutnaściu ŭ rehijonie maje kiraŭnik «DNR» i niehałosny lidar «respublikanskaj hvardyi» Alaksandr Zacharčanka.
Na druhim miescy znachodzicca kiraŭnik «Rady biaśpieki DNR» Alaksandr Chadakoŭski. Dalej iduć pieramoŭščyk ad Daniecka pa Minskim pahadnieńniam Dzianis Pušylin i, narešcie, eks-hałoŭnakamandujučy armii «Navarosii» Ihar Strałkoŭ-Hirkin (u Danbasie bolš nie prysutničaje, ale paśpiachova zarablaje dziakujučy joj u Rasii).
Uzrovień ekanamičnaha mahutnaści i finansavaha stanu pravadyroŭ Danbasa my pasprabavali ŭzvažyć, apierujučy infarmacyjaj ad našych vysokapastaŭlenych krynic u Maskvie i Kijevie, prysłuchoŭvajučysia da zajavaŭ samich pravadyroŭ i aceńvajučy dadzienyja, pradstaŭlenyja nam ukrainskimi kampanijami, straciŭšymi kantrol nad svaimi aktyvami ŭ Danbasie.
Tak, majučy prychilnaść pryblizna čatyrma-piaćci tysiačaŭ bajcoŭ, Alaksandr Zacharčanka maje siońnia kantrol nad bolšaj častkaj likvidnych aktyvaŭ Daniecka i haradoŭ, što da jaho prymykajuć. Byłyja «apłotaŭcy», a ciapier hvardziejcy «DNR» «kuryrujuć» supiermarkiety, restarany i kafe, handlovyja centry, vystupajuć u jakaści dachu jašče nie začynienych vytvorčaściej.
Čytać rasśledavańnie na sajcie «Novoj haziety»
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary