Abmiežavańni źniatyja ŭ Minsku i Homieli.
Pa daručeńni namieśnika staršyni Minharvykankama Andreja Damarackaha, u Minsku administracyi rajonaŭ prymajuć rašeńnie pa admienie abmiežavańniaŭ nakont realizacyi ałkaholnych, słabaałkaholnych napojaŭ i piva, paviedamili va ŭpraŭleńni handlu i pasłuh Minharvykankama.
«Učora užo try rajony — Zavodski, Partyzanski i Pieršamajski — admianili abmiežavańni. Siońnia ŭsie rajony pradstaviać mnie takija rašeńni, — kamientuje načalnik upraŭleńnia handlu i pasłuh Minharvykankama Nina Jemialjanava. — Tamu ź siońniašniaha dnia ŭsie kramy buduć realizoŭvać ałkaholnuju pradukcyju na praciahu ŭsiaho režymu pracy». Heta značyć, kali krama pracuje da 23.00 abo 2.00, to prodaž dazvoleny da samaha zakryćcia. Heta ž tyčycca ranišniaj realizacyi: z taho momantu, kali handlovaja kropka adkryvajecca, jana maje prava pradavać ałkahol.
Nahadajem, što raniej prodaž ałkaholnych, słabaałkaholnych napojaŭ i piva ŭ kramach stalicy abmiežavali z 22.00 da 9.00. Zabarona pratrymałasia dva miesiacy i dziesiać dzion.
Rašeńnie ab źniaćci abmiežavańniaŭ pryniata ŭ praciah narady ŭ kiraŭnika dziaržavy pa pytańniach vytvorčaści i abarotu ałkaholnaj pradukcyi.
Taksama abmiežavańni źniatyja ŭ Homieli
U Homieli źniaty abmiežavańni pa prodažy ałkaholnych, słabaałkaholnych napojaŭ i piva, paviedamiŭ haradski vykanaŭčy kamitet. Ciapier kramy mohuć realizoŭvać ałkaholnuju pradukcyju na praciahu ŭsiaho pracoŭnaha času. Raniej u ramkach akcyi «Za zdarovy ład žyćcia» było pryniata rašeńnie abmiežavać prodaž śpirtnoha z 22.00 da 9.00.
Kamientary