Абмежаванні знятыя ў Мінску і Гомелі.
Па даручэнні намесніка старшыні Мінгарвыканкама Андрэя Дамарацкага, у Мінску адміністрацыі раёнаў прымаюць рашэнне па адмене абмежаванняў наконт рэалізацыі алкагольных, слабаалкагольных напояў і піва, паведамілі ва ўпраўленні гандлю і паслуг Мінгарвыканкама.
«Учора ужо тры раёны — Заводскі, Партызанскі і Першамайскі — адмянілі абмежаванні. Сёння ўсе раёны прадставяць мне такія рашэнні, — каментуе начальнік упраўлення гандлю і паслуг Мінгарвыканкама Ніна Емяльянава. — Таму з сённяшняга дня ўсе крамы будуць рэалізоўваць алкагольную прадукцыю на працягу ўсяго рэжыму працы». Гэта значыць, калі крама працуе да 23.00 або 2.00, то продаж дазволены да самага закрыцця. Гэта ж тычыцца ранішняй рэалізацыі: з таго моманту, калі гандлёвая кропка адкрываецца, яна мае права прадаваць алкаголь.
Нагадаем, што раней продаж алкагольных, слабаалкагольных напояў і піва ў крамах сталіцы абмежавалі з 22.00 да 9.00. Забарона пратрымалася два месяцы і дзесяць дзён.
Рашэнне аб зняцці абмежаванняў прынята ў працяг нарады ў кіраўніка дзяржавы па пытаннях вытворчасці і абароту алкагольнай прадукцыі.
Таксама абмежаванні знятыя ў Гомелі
У Гомелі зняты абмежаванні па продажы алкагольных, слабаалкагольных напояў і піва, паведаміў гарадскі выканаўчы камітэт. Цяпер крамы могуць рэалізоўваць алкагольную прадукцыю на працягу ўсяго працоўнага часу. Раней у рамках акцыі «За здаровы лад жыцця» было прынята рашэнне абмежаваць продаж спіртнога з 22.00 да 9.00.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары