Śledčym kamitetam praciahvajecca rasśledavańnie kryminalnaj spravy, jakuju ŭ ŚMI nazvali «spravaj hraficistaŭ», paviedamlaje sajt Śledčaha kamiteta.
Dźvie asoby pryciahnutyja ŭ jakaści padazravanych pa kryminalnaj spravie, jašče dvum pradjaŭlenyja abvinavačvańni ŭ ździajśnieńni złosnaha chulihanstva.
Padčas papiaredniaha rasśledavańnia praviedzieny asnoŭnyja pracesualnyja dziejańni: dopyty padazravanych i śviedkaŭ, ahlady miascovaści, paškodžanaj majomaści, kanfiskavanyja dakumienty, kampjutarnaja technika, mabilnyja pryłady i inšyja rečavyja dokazy. Pryznačanyja nieabchodnyja ekśpiertnyja daśledavańni.
Abvinavačanyja svaju vinu ŭ inkryminavanych dziejańniach pryznali całkam, čystasardečna raskajalisia i pakryli pryčynienuju škodu ŭ poŭnym abjomie.
Tłumačačy śledčym matyvy svaich dziejańniaŭ, adzin z padazravanych raspavioŭ, što paškodziŭ biłbordy z-za kryŭdy na supracoŭnikaŭ pravaachoŭnych orhanaŭ.
Z ulikam vykanańnia nieadkładnych śledčych dziejańniaŭ pa spravie, pryznalnych pakazańniaŭ abvinavačanych, ich raskajańnia i kampiensacyi naniesienaj škody, a taksama ŭličvajučy toj fakt, što abvinavačanyja nie zmohuć pieraškodzić dalejšamu rasśledavańni kryminalnaj spravy, śledstva paličyła mahčymym chadajničać pierad prakuroram ab źmienie miery strymańnia. Hetaje chadajnictva zadavolena.
Miera strymańnia ŭ dačynieńni da abvinavačanych źmieniena na padpisku ab niavyjeździe i naležnych pavodzinach.
***
Nahadajem, što 11 žniŭnia piaciora chłopcaŭ byli žorstka zatrymanyja pa padazreńni va ŭdziele pa troch kryminalnych spravach: naniasieńniu biełaruska-moŭnych hrafici «Biełaruś maje być biełaruskaj» i «Revalucyja śviadomaści», a taksama zapeckvańniu farbaj sacyjalnaha biłborda z vyjavami supracoŭnikaŭ milicyi.
Praabaroncy tady vystupili z zajavaj nakont situacyi, zapatrabavaŭšy nieadkładnaha vyzvaleńnia z-pad varty Viačasłava Kasinierava, Maksima Piakarskaha i Vadzima Žaromskaha.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary